Տիգրան Ավինյանը մասնագիտական ունակություններ չունի, որ ղեկավարի Զանգեզուրի պղնձամոլիբդենային կոմբինատը          Թուրքիայում շունը կծել է ադրբեջանցի գործարարի քիթը.ուշքի եկա այն պահին, երբ ոստիկանները փնտրում էին իմ քթի պոկած մասը       Իսրայելը 1,5 մլրդ դոլար է հատկացրել Իրանի միջուկային օբյեկտների վրա հարձակման համար    

28 հուն 2021 11:15

Տեսանյութ.Որտե՞ղ եմ ասել, որ Շուշին ադրբեջանական է.անձամբ դուք թղթի վրա գրված կբերեք այդ հատվածը, որ ես հայտարարել եմ

Բանակի օրվա առթիվ Նիկոլ Փաշինյանն ու իշխանական վերնախավն այցելել են Եռաբլուր զինվորական պանթեոն։ Լրագրողները նրանից հետաքրքրվեցին՝ արդյո՞ք Շուշին ադրբեջանական է։


Ի պատասխան Նիկոլ Փաշինյանը նշեց. «Դո՞ւք եք հարց տալիս, որ ես հայտարարել եմ՝ Շուշին ադրբեջանական է։ Դո՞ւք էիք հարց տալիս, թե ես նման բան եմ ասել։ Ո՞վ էր հարցը տալիս»։


Երբ լրագրողներից մեկն ասաց, որ ինքն էլ է այդ հարցը տվել, Նիկոլ Փաշինյանը կրկին հարց հնչերեց, թե որտե՞ղ է ինքը նման բան ասել։


Լրագրողներն էլ ի պատասխան նշեցին՝ ԱԺ-ում։


«Հիմա թղթի վրա գրեք մեջբերումը, բանավոր պետք չի այդ հարցը։ Անձամբ դուք թղթի վրա գրված կբերեք այդ հատվածը, որ ես հայտարարել եմ, և ես ուղիղ եթերում կպատասխանեմ այդ հարցին»,- ասաց Նիկոլ Փաշինյանն ու լրագրողներից հեռացավ։


Ապա ավելի հեռից հայտարարեց. «Այլ հարցերի չեմ պատասխանի, պայման եմ դրել, այդ պայմանը կատարեք, և ես ուղիղ եթերում այդ հարցին կպատասխանեմ։ Այլ հարց չկա»։
Հնչեց նաեւ հարց՝ ռազմագերիների վերաբերյալ, որն անպատասխան մնաց։




Մեկնաբանություններ

Համընկնող լուրեր