Աննա Հակոբյանը վերահսկում է Արցախի ՊԲ-ի շտաբը և ամեն ինչ հայտնում է Նիկոլին. Գաբրիելյանով
Արամ Գաբրիելյանովը տելեգրամյան իր էջում անդրադարձել է Արծրուն Հովհաննիսյանին:Գաբրիելյանովը մասնավորապես գրում է, որ կապիտուլյացիայից երկու շաբաթ առաջ Սեմյոն Պեգովն իրեն հայտնել է, որ հայերն առյուծի նման կռվում են, սակայն խնդիրներ են սկսվել թիկունքում ու պաշտպանությունը կազմակերպելու հարցում:
Բանակի ղեկավարությունը չի հասկացել, թե ինչ է կատարվում առաջնագծում:
«Ես իմ ընկերոջը՝ մի քանի լրատվամիջոցների սեփականատեր Սամվել Նալբանդյանին խնդրեցի անհապաղ մեկնել Երևան ու հանդիպել Արծրուն Հովհաննիսյանի հետ: Խնդիր էր դրվել հստակ ծանոթանալ իրավիճակին ու այն ներկայացնել ինձ: Դրանից հետո հասկանալի կլիներ, թե ինչ պետք է արվեր: Սամվելը հենց այդ օրը երկու այլ աշխատակիցների հետ մեկնեց Երևան: Երկու օր անց ներկայացրեց Արծրունի հետ խոսակցությունը:
Ներկայացնում եմ կարճ:
1.Անհանգստության պատճառ չկա, Փաշինյանը հիանալի կերպով ղեկավարում է գլխավոր շտաբը: Նա միայն դրանով է զբաղվում:
2.Մենք հաղթում ենք, չկա որևէ կասկած:
3.Աննա Հակոբյանը վերահսկում է Արցախի ՊԲ-ի շտաբը և ամեն ինչ հայտնում է Նիկոլին: Նա ևս վստահ է, որ մենք կհաղթենք:
4.Ամեն ինչ, ինչ բանակին պետք է, առկա է: Բանակն ապահովված է զենքով ու մնացած անհրաժեշտ բաներով:
5.Բոլոր ստորաբաժանումները, որոնք պետք են, ներգրավված են, անձնակազմի պակաս չկա:
6.Ջալալը չի պահպանել անվտանգության նորմերը, դրա համար հայտնվել է կրակի տակ:
7.Կամավորականներն այնքան էլ անհրաժեշտ չեն, բայց քանի որ մարդիկ ցանկանում են կռվել, Սյունիքում կետեր են ստեղծվել նրանց համար: Հեսա կհաղթենք, բոլորին տուն կուղարկենք:
Արծրուն, «сука», ասա թե ինչն այնպես չի եղել: Ասա, որ դու չես խաբել ու չես հաճոյացել Փաշինյանների ընտանիքին:
Ասա, այ կեղտ, ասա, որ Սամվելի հետ չես կարողացել երեք օր անց հանդիպել, քանի որ պատերազմի ամենաթեժ պահին մեկնել ես ԱՄՆ: Թե դու խաբել ես ու ուղղակի թաքնվել ես»:
