Տեսանյութ.Մենք կողմ ենք սահմանների սահմանազատմանը, բաց լեգիտիմ սահմանների, որը հանդիսանում է առաջին հանրապետության սահմանները          Տեսանյութ. Երբ խոսում ենք անվտանգության մասին, ապա ամեն ինչ սկսվում է կրթությունից, դպրոցից       Իլհամ և Մեհրիբան Ալիևները մեկնել են ԼՂ    

04 փետ 2021 16:00

Հարց՝ հայրենիքի հոգսերով մտահոգ մուրացանյան այս «առաքյալին»`որքան հայրենադարձներ ունեցանք օտար ափերում բնակվող և «թավշյայից» հոգեբանական վերելք ապրած մեր հայրենակիցների շրջանում

2018թ. ապրիլյան իշխանազավթումից հետո Հայաստանը «շենացնելու» նպատակով հեռավոր Ամերիկայից Հայրենիք վերադարձած և սփյուռքի գործերով հանձնակատարությունը ստանձնած Զարեհ Սինանյանը, այսօր լրատվամիջոցների հետ զրույցում խոսելով ներգաղթի մասին, ոչ ավել, ոչ պակաս ասաց հետևյալը. «...սպասելիքներ (ներգաղթի հետ կապված) միշտ էլ կան, բայց ակնհայտ է, որ այժմ մարդիկ հոգեբանական անկում են ապրում՝ պատերազմի բացասական արդյունքների հետ կապված, ուստի սպասվում է, որ կարճ ժամանակահատվածում միգրացիոն արտահոսք տեղի կունենա...»:


Կուզեի հարց ուղղել Հայրենիքի հոգսերով մտահոգ մուրացանյան այս «առաքյալին»,- իսկ կարո՞ղ եք ասել, թե որքան հայրենադարձներ ունեցանք օտար ափերում բնակվող և «թավշյա հեղափոխությունից» հոգեբանական վերելք ապրած մեր հայրենակիցների շրջանում, չէ՞ որ մինչև պատերազմը երկուսուկես տարի շարունակ երկիրը խաղաղության մեջ էր... Իհարկե չեք կարող ասել... Չեք կարող ասել, որովհետև ինչպես մինչև պատերազմը, այնպես էլ պատերազմից հետո չի եղել ու չի լինելու ներգաղթ..


. Իսկ դուք և ձեր թիմակիցները հիմա էլ շարունակելու եք այս ապիկար իշխանության հայրենակործան սայթակումներն «արդարացնել» պատերազմի թողած «բացասական» հետևանքներով...


Հ.գ.- Դուք՝ ձեր հանցավոր քաղաքականությամբ ոչ միայն չեք կարող երկրի համար ապահովել հայրենադարձություն, այլև այդպես շարունակելու դեպքում, շատ հավանական է արձանագրվեն հայրենազրկման ավելի վտանգավոր չափեր... Իսկ գուցե՞ հենց դա է ձեր վերջնական նպատակը, բայց մեզ համար՝ ոչ...


Սենոր Հասրաթյան

Մեկնաբանություններ

Համընկնող լուրեր