Մարտի 29-ին կդադարեցվի հետևյալ հասցեների ջրամատակարարումը          Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք       Մարտի 29-ին երկար ժամանակով լույս չի լինի բազմաթիվ հասցեներում    

13 փետ 2021 14:39

Ալիևը հասկացել է, որ ինչ որ պահի Էրդողանն իրեն կշպրտի մի կողմ և նա Ռուսաստանին խնդրել է, որ գան մտնեն Արցախ

«Ամենացավալին այն է, որ մենք կարողանում ենք հանադուրժողականություն ցուցաբերել այս դավաճանության նկատմամբ»,- այսօր տեղի ունեցած ասուլիսում հայտնեց տնտեսագետ Վարդան Բոստանջյանը՝ անդրադառնալով իշխանությունների գործողությունների վերաբերյալ հասարակության պասիվ վերաբերմունքին:


Տնտեսագետը համոզված է, որ հայ ժողովուրդը գտնվում է ցնցումնային վիճակում և դեռևս չի կարողանում դավաճանության փաստին արձագանքել, բայց հավաստիացրեց, որ այն անպայման տեղի կունենա:


Նրա խոսքով,  Նիկոլ Փաշինյանն արել է միայն վատ բաներ՝ շանտաժ, ստախոսություն և քիչ մտավոր ունակություններ ունեցողների ապակողմնորոշում և դրանով ցանկացել է ժամանակ շահել, որի ընթացքում՝ երկիրը վաճառել, բայց այն չի հաջողվի:


Լրագրողի դիտարկմանը, թե արդեն Արցախի 75 տոկոսը վաճառել է՝ Բոստանջյանը չհամաձայնեց և բացատրեց, որ խոշոր հաշվով, ոսկերչակական գործողություն է տեղի ունեցել քաղաքական առումով և Ռուսաստանը կարողացել է ոտքը դնել Հարավային Կովկաս, ինչը Ղրիմը իրեն միացնելուն հավասարազոր քայլ համարեց:


«Ադրբեջանի նախագահը կնոջը բնորոշ ձևով՝ աջից, ձախից էրդողանին ուզում էր համբուրեր, ասենք՝ տարբեր վիճակներում, յուրաքանչյուր հանդիպմանը»,- նկատեց Բոստանջյանը և հավելեց, որ էրդողանը, լինելով տղամարդ, չէր կարող այդ մոտեցումն ընդունել:


Ըստ Բոստանջյանի, Ալիևը հասկացել է, որ ինչ որ պահի Էրդողանն իրեն կշպրտի մի կողմ և նա Ռուսաստանին խնդրել է, որ գան մտնեն Արցախ:


Այստեղից բանախոսը հիմնավորեց, որ օկուպացված տարածքների հարցը դեռ կբարձրացվի, իսկ աշխարհաքաղաքականության սուբյեկտները Արցախի ինքնորոշման հարցն առաջ կբերեն, բայց ոչ նրա համար, որ հայերին են սիրում:


Անդրադառնալով լրագրողի դիտարկմանը, որ Ռուսաստանը արդեն հայտարարել է՝ Արցախը Ադրբեջան է՝ Վարդան Բոստանջյանը  նկատեց, որ քաղաքականության մեջ կայուն խոսքեր չկան, իսկ նման բան ասել է, որ բացառի ընդհարումը Թուրքիայի հետ:


Նա նույն տրամաբանությամբ  բացատրեց պատերազմում հաղթելու կապակցությամբ Ադրբեջանին ուղղված ԻԻՀ ԱԳ նախարարի շնորհավորանքը՝ այն հիմնավորելով Իրանում ապրող 20 մլն ադրբեջանցիների գործոնով:

Մեկնաբանություններ


Համընկնող լուրեր