Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

15 փետ 2021 13:51

Թուրքիային սպառնում են հարձակմամբ՝ Իրաքից ուժերի դուրս չբերման դեպքում.Թուրքիայի խախտումները հակասում են աստվածային, սովորույթներին

Իրաքում շիա զինված խմբավորումները կոչ են արել Թուրքիային դուրս գալ երկրից, իսկ Բաղդադի կառավարությանը՝ հետ մղել Թուրքիայի զինված ուժերի կողմից հետագա գործողությունները: Այս մասին գրում է Ahval News-ը։

Նշվում է, որ հանգստյան օրերին Իրաքի հյուսիսում գտնվող Քրդստանի աշխատավորական կուսակցության (PKK) զինյալների կողմից պահվող պատանդներին փրկելու համար սկսվեց թուրքական ռազմական գործողությունը: Իրաքի հյուսիսում գտնվող Գարայի շրջանում գտնվող քարանձավում 13 սպանված թուրքերի հայտնաբերումից հետո գործողության արդյունքում երեք թուրք զինվոր է սպանվել:

Թուրքական գործողությունից հետո «Ասայիբ Էհլիլհակ» կազմակերպությունը կոչ արեց Իրաքի կառավարությանը մերժել ցանկացած ապագա ռազմական արշավ Թուրքիայից իր տարածք, իսկ Անկարային՝ իր ուժերը հետ կանչել:

«Թուրքիայի խախտումները հակասում են աստվածային, սովորույթներին և միջազգային օրենքներին: Մենք Իրաքի կառավարությունից խնդրում ենք՝ կանխել նման խախտումները և օգտագործել բոլոր իրավունքները՝ սահմանադրությունից և օրենքներից: Մենք խնդրում ենք միջոցներ ձեռնարկել՝ ազգային կամքի դրսևորման և Իրաքի անվտանգության, ինքնիշխանության և անկախության պաշտպանությունն ապահովող խորհրդարանական որոշման համար», - ասված է հայտարարության մեջ:

Շիական այլ խմբավորումներ դեմ են արտահայտվել ցանկացած թուրքական ներխուժմանը: Իրանի հետ կապված զինված խմբավորումը՝ Հարակաթ Հըզբոլլահ ալ-Նուջաբան, քննադատել է Իրաքի կառավարությանը «թուլության» համար, որը հնարավորություն է տվել Թուրքիային խախտել իր ինքնիշխանությունը:

«Եթե կառավարությունը շարունակի լռել, ապա Իրաքի ժողովուրդը և դիմադրությունը կկանգնեն օկուպանտների դեմ և վճռական քայլ կձեռնարկեն՝ նրանց հետ մղելու համար», - ասել է միլիցիան:

Թուրքիայի, ԱՄՆ-ի եւ Եվրամիության կողմից PKK-ն միջազգային ահաբեկչական խմբավորում է համարվում: Վաշինգտոնը ահաբեկչական կազմակերպություն է համարում նաև «Հարակաթ Հեզբոլլահ ալ-Նուջաբա» շարժումը:

Մեկնաբանություններ


Համընկնող լուրեր