Առաջիկա 5 օրվա եղանակի կանխատեսում          Վրաստանում պահանջում են Ադրբեջանի հետ սահմանի սահմանազատման հարցով ստեղծել քննչական հանձնաժողով       Թուրքիան դատապարտել է Լատվիայի խորհրդարանի որոշումը 1915 թվականի իրադարձությունների վերաբերյալ    

23 փետ 2021 15:45

Տեսանյութ.Ոստիկանները գետնին տապալեցին օպերատորին

Կառավարության 3-րդ մասնաշենքի մոտ անհնազանդության ակցիայի մասնակիցներին բերման ենթարկելիս ոստիկանները գետնին են տապալել օպերատորներից մեկին: Տեսանյութում երեւում է, թե ինչպես քաղաքացիներից մեկի տեւերից բռնած բերման ենթարկելիս ոստիկանն ակնհայտորեն հրում է իր առջեւ կանգնած եւ նկարահանում իրականացնող օպերատորին: վերջինս կորցնելով հավասարակշռությունը տապալվում է գետնին:

Նշենք, որ վաղ առավոտից ավտոբուսներով ոստիկանական ուժեր են կենտրոնացվել Սախարովի հրապարակում, եւ կառավարության շենքի մոտ, որովհետեւ վարչապետ Նիկոլ Փաշինյանն այցելելու էր Կառավարության 3-րդ մասնաշենք։ Փաշինյանը կառավարության գլխավոր մասնաշենքից կառավարության 3-րդ մասնաշենք քայլեց «Նիկոլ դավաճան» վանկարկումների ներքո: Հարյուրավոր ոստիկաններ շրջափակել էին տարածքը, որպեսզի Փաշինյանն անարգել հասնի կառավարության 3-րդ մասնաշենք:

Նախօրեին «Հայրենիքի փրկության շարժման» բողոքի գործողությունների ավարտին ՀՅԴ ԳՄ ներկայացուցիչ Իշխան Սաղաթելյանը կոչ էր արել առավոտյան ժամը 11։30-ին լինել Կառավարության  3-րդ մասնաշենքի մոտ, քանի որ Նիկոլ Փաշինյանն այցելելու է այդ մասնաշենք:


Մեկնաբանություններ

Համընկնող լուրեր