Դեպարդիեին մեղադրանք է առաջադրվել բռնաբարությունների և ոտնձգությունների գործով
Ֆրանսիայի իրավապահ մարմինները սեռական ոտնձգության և բռնաբարության մեղադրանքով պաշտոնական հետաքննություն են սկսել դերասան Ժերար Դեպարդյոյի դեմ:Երիտասարդ դերասանուհին, որի անունը չի հիշատակվում, դեռևս 2018-ի օգոստոսին դերասանի դեմ բողոք էր ներկայացրել ոստիկանություն, սակայն հետաքննությունը դադարեցվել էր 2019-ի հունիսին՝ «ապացույցների բացակայության պատճառով»։
Օրերս AFP գործակալությանը հայտնի է դարձել, որ հետաքննությունը վերսկսվել է։
72-ամյա Դեպարդյոն մեղադրվում է 2018 թվականի օգոստոսին դերասանուհուն բռնաբարելու համար։ Նշվում է՝ դերասանը նրան դասավանդել է թատերական դպրոցում։
Դեռևս 2018-ին Դեպարդյոյի իրավաբանը հայտարարել էր, որ դերասանը ճանաչում է աղջկան, սակայն կտրականապես հերքում է մեղադրանքները։
72-ամյա Դեպարդյոն Ֆրանսիայի ամենահայտնի և միևնույն ժամանակ սկանդալային աստղերից մեկն է։ Նա նկարահանվել է ավելի քան 200 ֆիլմում և այն սակավ դերասաններից է, որը մեծ հռչակ է վայելում նաև Հոլիվուդում։ «Կանաչ քարտեզ» ֆիլմում խաղացած դերի համար նա արժանացել է «Ոսկե գլոբուս» մրցանակի։
