Իշխանությանն անհանգստացրել է Արցախի նախագահի բաց խոսելը ՝ ՀՀ տարածքների նկատմամբ ադրբեջանական օկուպացիայի և տարածքային պահանջատիրության մասին          Տեսանյութ. Գյուղից մի փոքր աջ գազատարն է, որը ևս անցնում է ադրբեջանցիներին.Երևան-Նոյեմբերյան միջպետական ճանապարհը կարող է մնալ ադրբեջանցիների տոտալ վերահսկողության տակ       Պուտինն առանց ջանք խնայելու բանակցել է, որպեսզի դադարեցնի պատերազմը. ՀՀ ղեկավարությունը սկսում է արտահայտել այն մտքերը, որոնցով Փաշինյանը ստեղծել էր իր «Ելք» շարժումը    

20 մար 2021 15:51

Բաքվից նվերներ՝ գերմանացի պատգամավորներին. «Deutsche welle»-ի անդրադարձը

Բեռլինում Ադրբեջանի դեսպանատանը պատասխանում են քաղաքավարի, բայց վճռական՝ ոչ Բունդեսթագի պատգամավորների կաշառքի պատմությունը չեն մեկնաբանում: Ափսոս, չէ որ խոսքը Գերմանիայում վերջին տարիների աղմկահարույց քաղաքական սկանդալներից մեկի մասին է, որի հետևանքով իշխող «Քրիստոնեական-դեմոկրատական միություն» կուսակցության մի քանի պատգամավորներ մնացին առանց մանդատի: Այս մասին գրում է գերմանական «Deutsche welle»-ն՝ անդրադառնալով գերմանացի պատգամավորների հետ կապված կոռուպցիոն աղմկահարույց դեպքին: Նշվում է, որ «Transparency International»-ի գերմանական բաժնի փորձագետ Նորման Լոկելը (Norman Loeckel) նշել է, որ Ադրբեջանի իշխանությունները կաշառել են գերմանացի պատգամավորների՝ փորձելով բարելավել իրենց հեղինակությունը Եվրոպայում, կովկասյան հանրապետությունը «հայտնի է» մարդու իրավունքների խախտումներով և անկախ լրատվամիջոցների աշխատանքի սահմանափակումներով:


Բունդեսթագի Սոցիալ-դեմոկրատական կուսակցության պատգամավոր Ֆրանկ Շվաբեն (Frank Schwabe) համոզված է, որ ադրբեջանական իշխանության գործողությունները հակառակ արդյունքն են տվել:


«Ով էլ որ Ադրբեջանում այս գաղափարն առաջ քաշած լինի, այն ձախողվեց, որովհետև հիմա պարզ դարձավ այն, որ այդ երկիրը խախտում է մարդու իրավունքները և ժողովրդավար չէ, կաշառում է այլ երկրների պատգամավորներին, որը լավագույն բնութագրումը չէ: Ստացվում է, որ նրանք ծախսել եմ մեծ փողեր, բայց հասել են ամբողջությամբ հակառակ արդյունքի: Փաստն այն է, որ նրանք միանշանակ զբաղվել են ինչպես Գերմանիայի, այնպես էլ այլ երկրների պատգամավորներին կաշառելով»,-ասել է Ֆրանկ Շվաբեն:


Պարբերականը նշում է, որ այս դեպքով պայմանավորված Անգելա Մերկելի կուսակցությունը կորցնում է իր հեղինակությունը: «Deutsche welle»-ն հիշեցնում է, որ սա գերմանացի պատգամավորների կողմից Ադրբեջանից կաշառք վերցնելու հետ կապված առաջին սկանդալը չէ:







Մեկնաբանություններ


Համընկնող լուրեր