Ձեր կեղտոտ ձեռքերը հեռու տարե՛ք, գիտենք ինչպես եք ցանկանում Թուրքիան խառնել.Թուրքիայի ՆԳ նախարարը՝ ԱՄՆ դեսպանին          Տեսանյութ.ԵՄ դիտորդների գալը լարվածության կբերի, ՌԴ-ն կարող է ասել՝ կանչել եք, թող իրենք էլ անվտանգություն ապահովեն       Հրդեհի դեպքից երկու շաբաթ առաջ սպան աշխատանքից ազատման դիմում էր գրել. ինչ է կատարվել. «Ժողովուրդ»    

22 մար 2021 12:15

Կրճատել ժամկետայինների ծառայության ժամկետն ու առնվազն 6 ամիս դարձնել.ծնողները կառավարության մոտ են

Արցախում ծառայող ժամկետային զինծառայողների տասնյակ ծնողները կառավարության մոտ են եկել՝ ստանալու իրենց հարցերի պատասխանները: Պահանջում են կառավարությունից վերանայել պարտադիր ծառայության երկու տարի ժամկետը, կրճատել ժամկետայինների ծառայության ժամկետն ու առնվազն վեց ամիս դարձնել։ 

Ծնողներին հաջողվել է պայմանավորվածություն ձեռք բերել։ Վարչապետի աշխատակազմից հայտնել են, որ Փաշինյանը պատրաստակամություն է հայտնել այսօր ժամը 12-ին զինծառայողների ծնողներին հանդիպելու։ Նրանից 8-ը կներկայանա հանդիպմանը։

«Վարչապետի պատասխանը չի բավարարել մեզ։ Ծնողները հիմա այն կարգավիճակում են ինչպես թուխսը, որի վրա մի գիշատիչ է հարձակվում»,- լրագրողների հետ զրույցում ասաց զինծառայողի ծնողը։

նա հայտնեց նաև, որ հունվար-փետրվարին զորացրված տղաներին պետությունը հրաժարվում է ուսանողական և առողջության հարցերում սոցփաթեթներ տրամադրելուց։

«Երեխաները դիմում են առողջապահական խնդիրներով, նրանց պատասխանում են, որ պետությունը իրենց հանդեպ պարտավորությունները կատարել է և ինքնուրույն իրենց միջոցներով պետք է կազմակերպեն, այսինքն՝ զինվորը դառնում է օգտագործած թաշկինակ»։

Զինվորներին, ըստ ծնողների, այսօր չեն խրախուսում։ Ծնողները նշում են, որ հարցերը բարձրաձայնելու են, պատասխան չստանալու դեպքում դիմելու են կտրուկ քայլերի։

«Մեր մոտեցումը եղել է կառուցողական, զսպել ենք մեզ, որ մեր երեխաների արածը ջուրը չգցենք։ Ինչքան էլ մենք կտրուկ քայլեր անենք, պետականությանն ու անվտանգությանը չենք վնասելու, բայց պահանջատեր ենք»,- հայտնեց ծնողներից մեկը։

Մեկնաբանություններ


Համընկնող լուրեր