Քաղցկեղ առաջացնող նյութ են հայտնաբերել հակասեպտիկներում
Ամերիկյան Valisure ընկերության մասնագետները հակասեպտիկների հետազոտություն են անցկացրել, որոնք լայնորեն օգտագործվում են կորոնավիրուսի ժամանակ, և դրանցում քաղցկեղ առաջացնող նյութ են հայտնաբերել: Այս մասին գրում է Bloomberg- ը:Վերլուծությունը ցույց է տվել, որ հակասեպտիկներում մեծ քանակությամբ բենզոլ կա: Առողջապահության համաշխարհային կազմակերպությունն այն դասում է ամենաբարձր ռիսկի կատեգորիայում:
Valisure-ը վերլուծել է 168 ապրանքանիշերի 260 շիշ և պարզել, որ նմուշների 17 տոկոսի մեջ առկա է որոշակի քանակության վերոնշյալ նյութից: Թե ինչպես է այն հայտնվել հակասեպտիկների մեջ, դեռ պարզ չէ:
«Այս տվյալները տագնապալի են և մատնանշում են առողջության համար հավանական մեշ ռիսկը»,-ասվում է Valisure զեկույցում, որը ստորագրել են գործադիր տնօրեն Դեյվիդ Լայթը և այլ ղեկավարներ:
Վերլուծության արդյունքում պարզվել է նաև, որ ձեռքերի ախտահանիչ հեղուկներում առկա է մեթանոլի բարձր մակարդակ: Ալկոհոլային հիմքով ախտահանող միջոցները սովորաբար չպետք է ունենան այդպիսի բաղադրություն. Դրանց արտադրության մեջ օգտագործում են էթանոլ՝ նույնը, ինչ օգտագործվում է ալկոհոլային խմիչքներ արտադրելիս:
