Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս          Մարդը չի կարողացել անգամ արցախցիներին անվտանգ բենզին բաժանել, բայց հիմա խորհուրդ է տալիս Հայաստանին       Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ    

07 ապր 2021 15:30

Կապանում «Յանդեքս» հավելվածից օգտվելու համար եկել է հրահանգ, որ ծառայությունը հասանելի կլինի միայն Ադրբեջանի քարտեզը ներբեռնելուց հետո

Hraparak.am-ը գրում է.


Կապանի բնակիչները, որոնք օգտվում են «Յանդեքս» տաքսի ծառայությունից, օրերս տհաճ անակնկալի են եկել։ Բնակիչներից մեկը պատմեց մեզ, որ փորձել է «Յանդեքս» հավելվածի միջոցով տաքսի պատվիրել, եւ նրան եկել է հրահանգ, որ ծառայությունը հասանելի կլինի միայն Ադրբեջանի քարտեզը ներբեռնելուց հետո: Զայրացած քաղաքացին, բնականաբար, հրաժարվել է «Յանդեքս» կանչելու մտքից: Մենք զանգահարեցինք «Յանդեքս» գրասենյակ՝ պարզաբանում ստանալու նպատակով:


Մեզ պատասխանեցին. «Կապանում «Յանդեքս» ծառայությունը հասանելի է, սակայն այնտեղ փոքր թվով մեքենաներ կան»: Ադրբեջանական քարտեզ ներբեռնելու հրահանգի մասին տաքսի-ծառայությունում տեղյակ չէին: Մեզ հետ կապի դուրս եկած օպերատորը շատ զարմացավ, շնորհակալություն հայտնեց տեղեկության համար եւ խոստացավ, որ անպայման այն կստուգվի: Հայտնի է, որ Կապանից Երեւան ուղեւորվողների ճանապարհին, հատկապես Որոտանից մինչեւ Դավիթ Բեկ հատվածում այլ տհաճ անակնկալներ էլ են սպասվում: Ադրբեջանցիները, մեր մեքենաները տեսնելով, անպարկեշտ կամ սպառնացող ժեստեր են անում հենց ռուս խաղաղապահների ներկայությամբ: Օրինակ, մատը դնելով քունքին, «ատրճանակ» կոմբինացիա են ցույց տալիս՝ կրակոցի իմիտացիա ստեղծելով, կամ մատը վզի տակով են անցկացնում՝ հոգեբանական ճնշում գործադրելով: Ի պատասխան՝ հայկական կողմից «պալեց» են ստանում: 


Ճանապարհը հսկող ռուս, ադրբեջանցի եւ հայ զինվորականները կեցվածքով խիստ տարբերվում են միմյանցից: Ուղեւորներից մեկը պատմեց «Հրապարակին», որ ռուս եւ ադրբեջանցի զինվորականները ոտքից գլուխ զինված են: «Մենակ աչքերն են երեւում: Էնպես են զինված, որ տեսնողին թվում ա, թե հեսա իրան հում-հում կուտեն»,- ասաց մեր զրուցակիցը:


Մեկնաբանություններ


Համընկնող լուրեր