ԱՄՆ-ն տիեզերքը հայտարարել է ռազմական գոտի և նախազգուշացրել, որ...
ԱՄՆ տիեզերական ուժերի հրամանատար, ռազմաօդային ուժերի գեներալ Ջոն Ռեյմոնդը տիեզերքը հայտարարել է ռազմական գոտի և նախազգուշացրել, որ Ռուսաստանն ու Չինաստանն ամերիկյան արբանյակները ոչնչացնելու ունակությամբ զենք ունեն: Այս մասին նա հայտարարել է The Washington Post-ի հետ զրույցում:«Ակնհայտ է, որ տիեզերքը ռազմական գործողությունների տարածք է, ինչպես օդում, ցամաքում և ծովում: Սա մի բան է, որն իրոք իրականացել է վերջին մի քանի տարիների ընթացքում, քանի որ և՛ Չինաստանը, որը մեր մշտական սպառնալիքն է, և՛ Ռուսաստանը զենք են մշակել, որը կարող է կամ խաթարել մեր արբանյակների աշխատանքը կամ ոչնչացնել դրանք»,-ասել է Ռայմոնդը:
Ըստ նրա՝ Տիեզերական ուժերի նպատակը զսպումն է, այլ ոչ թե հակամարտությունը, որը «կսկսվի կամ կտարածվի տիեզերքում»:
Նա նաև ասել է, որ ԱՄՆ-ը մտադիր են հանդես գալ որպես տիեզերքի «դիսպետչերներ» և վերահսկել տեղաշարժումը դրանում՝ արբանյակների և այլ օբյեկտների աղետներից խուսափելու համար:
