Տաջիկստանի պատմության մեջ առաջին անգամ ուսումնական տագնապով ոտքի են հանվել ԶՈՒ բոլոր ստորաբաժանումները
Տաջիկստանում գիշերը ուսումնական տագնապի ազդանշանով ոտքի են հանվել երկրի զինված ուժերի և ուժային կառույցների բոլոր ստորաբաժանումները, հայտնում է korrespondent.net-ը:Նշվում է, որ նման ստուգումն անցկացվում է ինքնիշխան Տաջիկստանի պատմության ընթացքում առաջին անգամ: Ներգրավվել է 100 000 զինծառայող և իրավապահ մարմինների աշխատակից, ինչպես նաև 130 000 պահեստազորային ու շարքային:
Բացի այդ, 20 000 զինվոր ու պահեստային սպա ուղարկվել է տաջիկա-աֆղանական սահման՝ «սահմանապահ զորքերի ստորաբաժանումները համալրելու համար»:
Նշվում է, որ Տաջիկստանում զինված ուժերի մարտական պատրաստության ստուգումն անցկացվում է Աֆղանստանի հետ սահմանին տիրող իրավիճակի հետ կապված անհանգստության աճի ֆոնին: Հատկապես այն բանից հետո, երբ «Թալիբան» շարժումը գրավել է տաջիկա-աֆղանական սահմանի երկայնքով սահմանամերձ շրջանների մեծ մասը:
