Ինչպե՞ս կարող էի ժեխի հարսանիքին լինել. ես գնացել էի՝ զենք, և ոչ թե՝ շիշ բռնողի հարսանիքի. Պավլիկ Մանուկյան
![](https://168.am/wp-content/uploads/2021/07/225654973_1623062087899425_1849486393106308072_n.jpg)
Համացանցում այդ հարսանիքից տարածված լուսանկարներից մի քանիսում, ի թիվս այլոց, նաև երևում էր «Սասնա ծռեր» զինված խմբի անդամ Պավլիկ Մանուկյանը։ Երեկվանից համացանցում տարածվում էին լուրեր, որ Պավլիկ Մանուկյանը ևս մասնակցել է Հայկ Սարգսյանի հարսանիքին։
168.am-ի հետ զրույցում Մանուկյանը հերքեց համացանցում տարածվող տեղեկությունները, թե ինքը մասնակցել է այդ հարսանիքին։
«Երեկ ես այդ նույն եկեղեցում մասնակցել եմ իմ զինվորի՝ Մակարյան Արամի հարսանիքին։ Նրանք էլ (Հայկ Սարգսյանը,- Ա.Ս..) այդ եկեղեցում էին, երբ ներս մտան եկեղեցի, ես դուրս եկա և Սաղմոսավանքի բակում էի կանգնել։ Ինչպե՞ս կարող եմ ես այդ ժեխի հարսանիքին մասնակցել, ես գնացել եմ՝ զենք, և ոչ թե՝ շիշ բռնողի հարսանիքի»,- ասաց Մանուկյանը։