Մարտի 29-ին երկար ժամանակով լույս չի լինի բազմաթիվ հասցեներում          Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից       Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ    

26 հուլ 2021 14:31

Նոր սահմանափակումնե՞ր. Կորոնավիրուսի դեմ պատվաստումները Հայաստանում կարո՞ղ են պարտադիր դառնալ

Հայաստանում մշակվում է սահմանափակումների նոր փաթեթ, որը այժմ շրջանառության փուլում է եւ օգոստոսի երկրորդ կեսին կներկայացվի հանրությանը: Այս մասին լրագրողների հետ զրույցում ասաց առողջապահության նախարարի պաշտոնակատար Անահիտ Ավանեսյանը, պատասխանելով հարցերին այն մասին, թե կարող են արդյոք պատվաստումները դառնալ պարտադիր:

«Սա հանրային վտանգ ներկայացնող հիվանդություն է, եւ մենք տեսնում ենք, թե երկրները, երբ այն դուրս է գալիս կառավարելիության շրջանակից, ինչպիսի կոլապսային իրավիճակում են հայտնվում, ոչ միայն առողջապահական համակարգերը, այլ նաեւ երկրի թե տնտեսությունը, թե հանրային առողջապահական ամբողջ գործընթացը: Դրսեւորելով հանրային պատասխանատվություն, դրսեւորելով մեկս մեկին պաշտպանելու եւ ի վերջո հանրային իմունիտետ ստեղծելու համար ամեն քաղաքացի պետք է ակտիվ կերպով իր ներդրումը ունենա», - ասաց Ավանեսյանը:

Նրա խոսքով, շատերը այսօր հասկանում են, որ պիտի պատվաստվեն, բայց անընդհատ հետաձգում են այդ գործընթացը: Խնդիրն այն է, որ Հայաստանում դեռ չկա հիվանդությունները կանխարգելելու, առողջության մասին դեռ առողջ վիճակում հոգ տանելու մշակույթը:

Ավանեսյանը նաեւ ավելացրեց, որ շուտով Հայաստանում վիճակահանությամբ պատվաստվողները կստանան թատրոնների, օպերաների, մշակութային միջոցառումների մասնակցության տոմսեր:

«Հանրային տեղեկատվությունը բարձրացնելու համար իհարկե պետք է խրախուսական այսպիսի միջոցառումներ լինեն: Հունաստանից եմ վերադարձել, որտեղ երիտասարդներին որոշակի փոքր դրամական փոխհատուցում են տալիս նոր ուսումնական տարվա սկզբին: Տարբեր երկրներ տարբեր գործիքներ են կիրառվում», - ասաց նա:
***
Հայաստանում կորոնավիրուսի դելտա շտամը դեռ չի հայտնաբերվել սեկվենավորման հետազոտությունների ժամանակ, սակայն շտամը երկրում, իհարկե, շրջանառվում է: Այս մասին լրագրողների հետ զրույցում ասաց առողջապահության նախարարի պաշտոնակատար Անահիտ Ավանեսյանը:

Նրա խոսքով, Հայաստանն այսօրվա դրությամբ ունի բաց սահմաններ եւ Ռուսաստանի, եւ Վրաստանի հետ, որտեղ այս շտամն արդեն հայտնաբերված է, բացի այդ, Եվրոպական շատ երկրներում այդ շտամը հիմա մեծամասնություն է կազմում: Այդ իսկ պատճառով այն ամենայն հավանականությամբ ներթափանցել է նաեւ Հայաստան, ուղղակի դեռ չի հայտնաբերվել հետազոտությունների ընթացքում:

Նախարարի պաշտոնակատարը նաեւ նշեց, որ վերջին օրերին Հայաստանում նկատվում է կորոնավիրուսով հիվանդացության որոշակի աճ, իսկ աշնան առաջի կեսին կա հիվանդացության նոր ալիքի գալու վտանգ: Ավանեսյանի խոսքով, շատ կարեւոր է, որ բնակչության 40-50 տոկոսը պատվաստվի՝ համավարակը կառավարելի պահելու համար:

Մեկնաբանություններ


Համընկնող լուրեր