Դիվանագետները նախազգուշացնում են Քաբուլի արագ անկման մասին
Մոտ երկու տասնյակ դիվանագետներ, որոնք աշխատում էին Աֆղանստանում ԱՄՆ դեսպանատանը, հուլիսին նախազգուշացրել էին պետքարտուղար Էնթոնի Բլինքենին, որ ամերիկյան զորքերի դուրսբերումից անմիջապես հետո Քաբուլը կընկնի թալիբների ձեռքում, գրում է The Wall Street Journal-ը:Գաղտնի հեռագրի մեջ, որը ուղարկվել էր Պետդեպարտամենտի գաղտնի ալիքով, մանրամասն նկարագրվել են Թալիբանի արագ հաջողություններն ամբողջ երկրում, աֆղանական ուժերի փլուզումը եւ առաջարկություններ էին արվում տարհանման աշխատանքներն արագացնելու համար:
Հուլիսի 13-ի նամակում նաեւ ավելի կոշտ ձեւակերպումներ էին օգտագործվում` Թալիբանի գործողությունները նկարագրելու համար: Այդ մասին Wall Street Journal-ին հայտնել է աղբյուրը` ընդգծելով, որ տեղական վարչակազմի պաշտոնյաները հստակ նախազգուշացրել են առաջնորդներին խմբի առաջխաղացման մասին:
Հեռագիրը կոչ է պարունակում Պետդեպարտամենտին` սկսել գրանցել եւ հավաքել աֆղան թարգմանիչների եւ այլ դաշնակիցների անձնական տվյալները, ովքեր իրավունք ունեն երկրից մեկնելու հատուկ ներգաղթային վիզաներ ստանալու համար, եւ ասվում էր, որ ԱՄՆ-ն պետք է սկսի տարհանման թռիչքներն օգոստոսի 1-ից ոչ ուշ:
Հեռագիրը, որն ուղարկվել էր Բլինքենին եւ քաղաքականության պլանավորման տնօրեն Սալման Ահմադին, ստորագրել էր ընդհանուր 23 աշխատակից:
«Ոչ ես, ոչ էլ որեւէ մեկը ոչինչ չի տեսել, ինչը կարող էր խոսել 11 օրվա ընթացքում այդ բանակի եւ այդ կառավարության փլուզման մասին»,- չորեքշաբթի Պենտագոնում լրագրողներին ասել է Միավորված շտաբի պետերի գեներալ Մարկ Միլին:
Կոլափսը Սպիտակ տանն անհարմար դրության մեջ դրեց, հատկապես` այն բանից հետո, երբ նախագահ Ջո Բայդենը հուլիսի 8-ին երկրին հայտարարել են, որ 1975 թվականին Սայգոնից ԱՄՆ-ի նահանջը հիշեցնող տեսարաններ չեն լինի, եւ որ թալիբների կողմից գրավումը «շատ քիչ հավանական է»:
