Տեսանյութ.Ադրբեջանում կրկին անտառային հրդեհ է բռնկվել. մարման աշխատանքները բարդանում են քամու և տարածքի բարդ ռելիեֆի պատճառով
Ադրբեջանում անտառային հրդեհներ են բռնկվել Լերիկի շրջանի Սորու գյուղի մոտակայքում: Ինչպես փոխանցում է Minval.az-ը, երկրի արտակարգ իրավիճակների նախարարության հրշեջները շարունակում են կրակի մարման աշխատանքները:Հրդեհաշիջման աշխատանքներին ներգրավվել է Պետական հակահրդեհային ծառայության մեկ ուղղաթիռ, ինչպես նաև Քաղաքացիական պաշտպանության զորքերը, Հարավային տարածաշրջանային կենտրոնի համապատասխան ուժերը, Էկոլոգիայի և բնական ռեսուրսների նախարարության անտառատնտեսության կենտրոնի աշխատակիցները, ավիացիոն ջոկատը:
Կրակի կլանման տարածքում այրվում է չոր խոտը, չորացած կոճղերը և թփուտները: Կրակի մարման աշխատանքները բարդանում են քամու և տարածքի բարդ ռելիեֆի պատճառով:
