Կորոնավիրուսը շնչառական հիվանդություն չէ. գիտնականներ
Կորոնավիրուսը դասվում է ոչ թե շնչառական, այլ անոթային հիվանդությունների շարքին. այս եզրակացությանն են եկել Կալիֆոռնիայի համալսարանի գիտնականները: Հետազոտությունը հրապարակված է Journal Circulation Research-ում:Փորձագետներն ուսումնասիրել են, թե ինչպես է կորոնավիրուսն ազդում արյունատար համակարգի վրա: Պարզվել է, որ դրանում պարունակվող սպիտակուցը ոչնչացնում է բջիջների միտոքոնդրիաները:
Գիտնականներն ապացուցել են, որ հենց դա է ամենավտանգավորը սիրտ-անոթային համակարգի համար: Այսպիսով, հետազոտողները ստեղծել են արհեստական վիրուս, որը պարունակել է միայն այդ սպիտակուցը: Դրա գործունեությունը, իր հերթին, հանգեցնում է անոթային պատերի էնդոթելիումի վնասմանը:
Ըստ փորձագետների՝ COVID-19- ով հիվանդների մոտ թոքային համակարգի հյուսվածքները նախ բորբոքվում են, և միայն դրանից հետո են սկսվում շնչառական խնդիրները: Սա բացատրում է, թե ինչու են հիվանդներն ունենում կաթվածներ կամ արյան շրջանառության խանգարումների հետ կապված այլ բարդություններ:
