Թուրք-ադրբեջանական դաշինքը պատերազմի միջոցով գողացել է Արցախի տարածքի գրեթե կեսը. Միգել Անխել Նիետո
Իսպանիայում Հայաստանի դեսպանությունը ֆեյսբուքյան գրառմամբ հայտնում է, որ իսպանացի ռեժիսոր և լրագրող Միգել Անխել Նիետոն իր թվիթերյան էջում գրառում է կատարել Արցախի Հանրապետության հռչակման 30-ամյակի առթիվ։«Արցախի Հանրապետությունը (Լեռնային Ղարաբաղ) այսօր նշում է իր ծննդյան տարեդարձը: Երեք տասնամյակ առաջ Արցախը հռչակեց իր անկախությունը և շարունակում է տոնել այն՝ չնայած այն բանին, որ անցած տարվա հոկտեմբերին թուրք-ադրբեջանական դաշինքը պատերազմի միջոցով գողացել է նրա տարածքի գրեթե կեսը»,- նշել է նա։
