Որոնք են ԱՄՆ-ի՝ Ռուսաստանի հետ պատերազմ չցանկանալու պատճառները
ԱՄՆ ԶՈւ շտաբերի պետերի միացյալ կոմիտեի ղեկավարի տեղակալ, գեներալ Ջոն Հայթենը հայտարարել է, որ այժմ ռուսական միջուկային ուժերն ամբողջովին արդիականացված են՝ ի տարբերություն ամերիկյանների: Այդ մասին գրում է ՌԻԱ Նովոստին:Գեներալը նշել է, որ դրանով է բացատրվում է Ռուսաստանից ԱՄՆ-ի համար աճող սպառնալիքը: Բացի այդ, Միացյալ Նահանգների համար սպառնալիք է ներկայացնում նաև Չինաստանը: Գեներալը կոչ է արել ԱՄՆ -ին ավելի արագ շարժվել զենքի արդիականացման բյուրոկրատական ընթացակարգերի համատեքստում: «Ունենք այնպիսի մրցակիցներ, ինչպիսիք են Ռուսաստանը և Չինաստանը, և մենք դեռ շատ դանդաղ ենք շարժվում», – ասել է նա:
Բացի այդ, ըստ Հայթենի, ԱՄՆ -ին անհրաժեշտ է երկխոսություն հաստատել Չինաստանի հետ՝ հարաբերությունները բարելավելու համար, երկրները գործնականում չեն խոսում միմյանց հետ: «Մենք պետք է հասկանանք, որ Չինաստանը բոլորովին այլ մրցակից է, քան Ռուսաստանը՝ իրենց տնտեսության ահռելի մասշտաբի և հզորության պատճառով», – ընդգծել է գեներալը:
