Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք          Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս       Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ    

16 սեպ 2021 11:59

«Զվարթնոցում» կաշխատեն միայն սպիտակ տաքսիները. կառավարությունը նոր նախագիծ ընդունեց

 Երևանի «Զվարթնոց» օդանավակայանում առաջիկայում կկարողանան աշխատել միայն սպիտակ, ոչ հին ու իրենց գործարանային վառելիքային համակարգով աշխատող տաքսիները։
Նման փոփոխություններ է առաջարկում ՀՀ կառավարությունը "Ավտոմոբիլային տրանսպորտի մասին" ՀՀ օրենքում։
Էկոնոմիկայի նախարարության ներկայացրած նախագիծն այսօր կառավարության նիստում հավանության արժանացավ ու առաջիկայում կներկայացվի խորհրդարանի հաստատմանը։
«Տաքսի ծառայությունների մատուցման գործընթացն օդանավակայանների տարածքում առանձին կարգավորում չունի, ինչի արդյունքում տաքսի ծառայություններ մատուցողների կողմից անընդունելի վարքագիծ է դրսևորվում օդանավակայանների տարածքում ուղևորների նկատմամբ նրանց բանավոր հավաքագրելու միջոցով անհանգստություն պատճառելու հետևանքով: ՀՀ մուտք գործող օտարերկրյա քաղաքացիները և զբոսաշրջիկները հայտնվում են անհարմար դրության մեջ, ինչը զբոսաշրջության տեսանկյունից անընդունելի է»,– նշվում է նախագծի հիմնավորման մեջ։


Որպես խնդրի լուծում կառավարությունն առաջարկում է օդանավակայանի տաքսիներին ուղևորափոխադրումների համար տրամադրել Ա տիպի լիցենզիա: Այսինքն` օդանավակայանների տարածքի տաքսու կայանատեղերից ծառայություն կկարողանան մատուցել միայն Ա տիպի լիցենզիա ունեցող կազմակերպություններն ու անհատ ձեռնարկատերերը:
Լիցենզիան կտրվի միայն այն կազմակերպություններին և անհատներին, որոնք ունեն մինչև 7 տարեկան, սպիտակ, գործարանային վառելիքային համակարգով շահագործվող, «Աէրոտաքսի» գրառմամբ և շախմատաձև տարբերանշանով արտաքին կահավորում ունեցող ավտոմեքենաներ։ Վերջիններն էլ այդ լիցենզիայի դիմաց պետք է վճարեն տարեկան 200 000 դրամ: Ընդ որում` նույն գումարը կվճարեն թե՛ անհատ տաքսիստները, թե՛ կազմակերպությունները։


Մեկնաբանություններ


Համընկնող լուրեր