Հայկական իրավական կենտրոնը հայ գերիների անհետացումների վերաբերյալ նոր գործեր է ներկայացրել ՄԻԵԴ          Տեսանյութ.Շատ անհանգստություն կա, բայց դա իմ ոլորտում չէ. նախագահը`սահմանային իրավիճակի մասին       ԱԳՆ խոսնակը՝Փաշինյանի և Աիևի հանդիպման մասին    

25 սեպ 2021 17:31

Թուրքիան մտադիր է Ռուսաստանից գնել լրացուցիչ S-400 համակարգեր,ոչ ոք չի կարող միջամտել այն հարցերին, թե ի՞նչ պաշտպանական համակարգեր պետք է ձեռք բերենք, ո՞ր երկրից

Թուրքիան առաջիկայում մտադիր է Ռուսաստանից գնել լրացուցիչ S-400 զենիթահրթիռային համակարգեր: ՏԱՍՍ-ի փոխանցմամբ՝ այդ մասին հայտարարել է Թուրքիայի նախագահ Ռեջեփ Թայիփ Էրդողանն ուրբաթ օրը հեռարձակված CBS հեռուստաալիքին տված հարցազրույցում:

Լրագրողի այն հարցին, թե արդյոք Անկարան պլանավորում է նոր S-400 զենիթահրթիռային համակարգեր գնել, Թուրքիայի առաջնորդը պատասխանել է. «Ապագայում ոչ ոք չի կարող միջամտել այն հարցերին, թե ի՞նչ պաշտպանական համակարգեր պետք է ձեռք բերենք, ո՞ր երկրից և ի՞նչ մակարդակով: Ոչ ոք չի կարող միջամտել դրան: Միայն մենք կարող ենք նման որոշումներ կայացնել: Իհարկե, իհարկե, այո»:

Ռուսաստանն ու Թուրքիան 2017 թվականին պայմանագիր են ստորագրել Մոսկվայի կողմից Անկարային S-400 հակաօդային պաշտպանության համակարգերի մատակարարման վերաբերյալ: Թուրքիան ՆԱՏՕ-ի առաջին երկիրն էր, որը ձեռք բերեց այս համակարգերը Ռուսաստանից: Անկարայի որոշումը հարուցեց Վաշինգտոնի և ողջ դաշինքի կտրուկ բացասական արձագանքը: Միացյալ Նահանգները չէր դադարեցնում փորձերը հասնել նրան, որ Թուրքիան հրաժարվի ռուսական ՀՕՊ համակարգերից: Այն բանի համար, որ Թուրքիան չի տրվում ճնշումներին և չի ազատվում S-400-ից՝ Վաշինգտոնը Անկարային դուրս թողեց հինգերորդ սերնդի F-35 կործանիչ-ռմբակոծիչի արտադրության ամերիկյան ծրագրից: Բացի այդ, Միացյալ Նահանգները երկար ժամանակ Թուրքիային սպառնում էր S-400-ի գնման համար մի շարք միակողմանի պատժամիջոցներ կիրառել, սակայն չէր շտապում այդ քայլերը ձեռնարկել, քանի որ նրանք վախենում էին հարաբերությունների հետագա սրումից: ՆԱՏՕ-ի առանցքային դաշնակիցը՝ Անկարան զգուշացրել էր, որ նման սահմանափակումների կիրառումը անպատասխան չի թողնի: 2020 թվականի դեկտեմբերին Վաշինգտոնը նման պատժամիջոցներ սահմանեց:

Մեկնաբանություններ

Համընկնող լուրեր