COVID-19 ունեցող մարդկանց երկու խմբի բուժման նոր մոտեցում են առաջարկում
Պացիենտների երկու խմբի խորհուրդ են տալիս օգտագործել REGEN-COV «հակամարմինների կոկտեյլ»։ Այս մասին տեղեկացվում է COVID-19-ի դեմ դեղամիջոցների գծով ԱՀԿ թարմացված հայդլայնում (բժշկական երաշխավորություն), որը հրապարակվել է The BMJ ամսագրում։Առաջին խումբը ծանր COVID-19-ով պացիենտներն են՝ հոսպիտալացման ամենաբարձր ռիսկով։ Երկրորդ խումբը ներառում է ծանր կամ կրիտիկական հիվանդներին, որոնք ի վիճակի չեն հակամարմիններ արտադրել COVID-19-ի դեմ։ Ընդ որում՝ մյուս պացիենտների համար մասնագետների առաջարկած դեղամիջոցով բուժվելու էֆեկտը զգալի չի լինի։
ԱՀԿ փորձագետների խոսքով՝ երկրորդ երաշխավորությունը հիմնված էր RECOVERY կլինիկական հետազոտությունների արդյունքների վա։ Դրա ընթացքում REGEN-COV-ը նվազեցրել է մահերի թիվը եւ ԱՇՍ անհրաժեշտությունը կորոնավիրուսային վարակով սերոնեգատիվ պացիենտների համար։
REGEN-COV-ը Regeneron Pharmaceuticals ընկերության ստեղծած կոմբինացիա է երկու մոնոկլոնալ հակամարմններից՝ կասիվիրիմաբա եւ իմդեվիմաբա։ Նոյեմբերին դեղամիջոցի օգտագործման նման երաշխավորություն, որն ավելի վաղ կիրառվել էր նախագահ Դոնալդ Թրամփի բուժման ժամանակ, տվել էր ԱՄՆ սննդամթերքների եւ դեղամիջոցների որակի սանիտարական հսկողության վարչությունը։
