Քարլռություն.Քաղավիացիայի պատասխանատու պաշտոնյաները թռած են
Ադրբեջանական AZAL ավիափոխադրողը հայտարարել է, որ Հոկտեմբերի 6-ից Ադրբեջանի ավիաուղիները սկսել են օգտագործել Հայաստանի օդային տարածքը Բաքվից Նախիջեւան ուղեւորափոխադրումներ իրականացնելու համար:«Այսուհետ AZAL-ն այս չվերթն իրականացնելիս կարող է օգտագործել առկա բոլոր օդային միջանցքները, այդ թվում` Հայաստանի եւ Իրանի տարածքներով անցնողները»,-նշել է ավիաընկերությունը:
Այս տեղեկությունը մտավախություն է առաջացրել հայ հասարակության շրջանում:
Հատկանշական է, որ նախօրեին ադրբեջանական լրատվամիջոցները վկայակոչելով իրենց ռազմական աղբյուրները, նշել էին, որ Իրանը երեկվանից փակել է իր օդային տարածքն Ադրբեջանի օդուժի համար, որը Բաքու-Նախիջեւան ռազմական մատակարարումներ է իրականացնում:
Առավոտից պարզաբանում ստանալու համար փորձ ղ արվում կապ հաստատել Քաղավիացիայի կոմիտեի հետ, պարզելու համար, թե երբվանից է Երեւանը թույլ տվել Ադրբեջանին ուղեւորափոխադրումներ իրականացնել իր տարածքով դեպի Նախիջեւան, արդյոք սա նոր որոշում է, թե ավելի վաղ է եղել ուղղակի հիմա է Ադրբեջանը տարածում: Մինչ այս պահը քաղավիացիայի կոմիտեն որեւէ կերպ չի արձագանքում:
