ՌԴ ռազմածովային ուժերի հետախուզական նավը մտել է Միջերկրական ծովշՌազմանավի հետախուզական ռադիոտեխնիկայի ճշգրիտ կազմը գաղտնի տեղեկատվություն է
Ռուսաստանի ռազմածովային ուժերի «Կիլդին» միջին հեռավորության հետախուզական նավը, անցնելով Բոսֆորը, մտել է Միջերկրական ծով: «Ինտերֆաքս»-ի փոխանցմամբ, այդ մասին սոցիալական ցանցերում հայտնել են Ստամբուլից ականատեսները՝ հրապարակելով նեղուցով նավի անցնելու լուսանկարներ:Սևծովյան նավատորմի «Կիլդին» նավը նախատեսված է պոտենցիալ թշնամու ուժերի հետախուզման, նրանց գտնվելու վայրի մասին տեղեկատվության բացահայտման, նրանցից հնարավոր սպառնալիքի համարժեք արձագանքման միջոցառումների ժամանակին մշակման և, անհրաժեշտության դեպքում, համապատասխան ուժերը մարտական պատրաստության վիճակի բերելու համար:
Ռազմանավի հետախուզական ռադիոտեխնիկայի ճշգրիտ կազմը գաղտնի տեղեկատվություն է:
Ավելի վաղ «Vyshny Volochek» փոքր հրթիռային նավն էր ուղևորվել Միջերկրական ծով: Կալիբր հրթիռներով հագեցած նավը դարձել է Միջերկրական ծովում նավատորմի մշտական օպերատիվ կազմավորման մի մասը:
Ներկայումս Միջերկրական ծովում գտնվող ռուսական էսկադրիլիան ներառում է մոտ 15 ռազմական և օժանդակ նավ:
