«Թուրքիայից մասնավոր ինքնաթիռ է վայրէջք կատարել «Զվարթնոց» օդանավակայանում». Արթուր Գրիգորյան          Ադրբեջանի, Վրաստանի և Կենտրոնական Ասիայի երկրների հետ փորձում ենք վերականգնել պատմական Մետաքսի ճանապարհը       Ադրբեջանն ու Թուրքիան կրկին համատեղ զորավարժություն են անցկացնում,մասնակցում են զինծառայողներ նաև Քաթարից, Ղազախստանից, Պակիստանից և Ուզբեկստանից    

27 հոկ 2021 20:10

Զելենսկիի հայտարարությունները Ղրիմը «վերադարձնելու» մտադրության մասին տարածքային պահանջներ են ՌԴ-ի դեմ և կարող են բացասական հետևանքներ ունենալ

Ուկրաինայի նախագահ Վլադիմիր Զելենսկիի հայտարարությունները Ղրիմը «վերադարձնելու» մտադրության մասին տարածքային պահանջներ են Ռուսաստանի դեմ և կարող են բացասական հետևանքներ ունենալ։ Այս մասին լրագրողներին հայտնել է ՌԴ պետության ղեկավարի մամուլի քարտուղար Դմիտրի Պեսկովը։

Ավելի վաղ Զելենսկին արդարացի էր համարել Ամստերդամի դատարանի որոշումը, որը կարգադրել էր սկյութների ոսկին վերադարձնել Ուկրաինային։ Նա նաև նշել է, որ ոսկու վերադարձից հետո Կիևն իբր մտադիր է «վերադարձնել Ղրիմը»։

«Իհարկե, Ղրիմի վերադարձի մասին հայտարարությունը ներկայումս ոչ այլ ինչ է, քան տարածքային պահանջների հայտարարություն Ռուսաստանի Դաշնությանը: Նման հայտարարությունները կարող են բացասական հետևանքներ ունենալ»,- ասել է Պեսկովը։

Երեքշաբթի Ամստերդամի վերաքննիչ դատարանը որոշում է կայացրել, որ սկյութների ոսկու հավաքածուն պետք է փոխանցվի Ուկրաինա։ Նախագահող դատավոր Պաուլինա Հոֆմեյեր-Ռյուտենի խոսքով՝ այդ օբյեկտները «Ուկրաինայի մշակութային ժառանգության մաս են կազմում» և «պետք է փոխանցվեն ուկրաինական կողմին»։ Ռուսական կողմը հայտարարել է վճռաբեկ բողոք ներկայացնելու մտադրության մասին։

Մեկնաբանություններ


Համընկնող լուրեր