Տեսանյութ.Ճապոնիայի մետրոյում Ջոկերի կոստյումով տղամարդը 17 հոգու է դանակահարել, ինչ-որ հեղուկ է ցանել վագոնում, այնուհետև հրդեհել այն
Ճապոնիայի մետրոյում կոմիքսների կերպար Ջոկերի կոստյումով 24-ամյա տղամարդը դանակով հարձակվել է ուղևորների վրա, հաղորդում է BBC-ն։ 17 հոգի վիրավորվել է։ Նրանցից երեքը ծանր վիճակում են։Ըստ ականատեսների՝ կասկածյալը ինչ-որ հեղուկ է ցանել վագոնում, այնուհետև հրդեհել այն։ Մարդիկ խուճապահար փախել են, դուրս եկել գնացքի պատուհաններից։
Տղամարդը տեղում ձերբակալվել է ոստիկանության կողմից։
Նա իրավապահներին հայտնել է, որ ցանկանում էր մի քանի հոգու սպանել, որպեսզի մահապատժի դատապարտվի։
