Մահացած կնոջ և իր երեխայի լուսանկարի հրապարակման նպատակը որոշակի մտահոգությունների տեղիք է տվել. հայտարարություն          Այս ռուս զույգը, իրենց շան հետ, շատ լավ փորձի աղբյուր էր.Մենք սեյսմիկ ռիկսով երկիր ենք, պետք է պատրաստ լինենք վատ սցենարներին       Տեսանյութ.Աղավնոյում և Բերձորում խառնաշփոթ է, իսկ Արցախով առքուվաճառքը շարունակվում է․ Հակոբյան    

04 նոյ 2021 12:38

Թուրքիան լայնածավալ զորավարժություններ է սկսել Միջերկրականում. մասնակցում է նաև Ադրբեջանը

Նոյեմբերի 2-6-ը Թուրքիան զորավարժություններ է անցկացնում Միջերկրական ծովում, որոնց մասնակցում են շուրջ 35 նավ և 5000 մարդ, ռազմածովային պարեկային ինքնաթիռներ, ռազմածովային ուղղաթիռներ, անօդաչու թռչող սարքեր, ծովային-հետևակային ստորաբաժանումներ, ստորջրյա հարձակման և ռազմածովային ուժերի ստորջրյա պաշտպանության օպերատիվ խմբեր, գրոհային ուղղաթիռներ և ընդհանուր նշանակության ուղղաթիռներ ցամաքային ուժերից:

Գործողությանը կմասնակցեն F-16 ինքնաթիռներ, տրանսպորտային ինքնաթիռներ, ժանդարմերիայի գլխավոր հրամանատարության որոնողափրկարարական խմբեր, առափնյա պահպանության նավեր և ափի որոնողափրկարարական ուղղաթիռներ։ 

Կներգրավվի նաև Ադրբեջանի ռազմածովային ուժերի մեկ նավ։ 

Ուշագրավ է հրավիրված դիտորդների կազմը՝ Բահրեյն, Իրաք, Հորդանան, Լիբիա, Նիգերիա, Պակիստան, Օման և Ուկրաինա, թեև, ըստ թուրքական կողմի, զորավարժությունների նպատակը թուրքական ռազմածովային ուժերի պատրաստության ստուգումն է:

Հիշեցնենք, որ շաբաթներ առաջ Հունաստանը, Կիպրոսը և Եգիպտոսը համաձայնագիր էին ստորագրել Միջերկրական ծովում` թուրքական ծովային սահմանների մոտակայքում, համագործակցության վերաբերյալ:

Մեկնաբանություններ


Համընկնող լուրեր