Թշնամուն հանձնված Ակնա քաղաքի մոտ ադրբեջանցի գեներալի զրահամեքենա է պայթել ականի վրա
Ադրբեջանի Զինված ուժերի 1-ին բանակային կորպուսի հրամանատար, գեներալ-մայոր Հիքմեթ Հասանովը Արցախից օկուպացված Շուշի քաղաքում Իլհամ Ալիևի հետ հանդիպմանը ներկա չի գտնվել այն պատճառով, որ վերջինս բուժվում է վնասվածքի հետևանքով, որը ստացել էր ականի պայթյունից. հաղորդում են ադրբեջանական լրատվամիջոցները։Ինչպես լրագրողներին ասել է ինքը՝ Հասանովը, թշնամուն հանձնված Ակնա քաղաքի մոտ իր զրահամեքենան ականի վրա պայթել է եռակողմ հրադադարի մասին հայտարարության ստորագրումից հետո, որով քաղաքն անցել է Ադրբեջանի վերահսկողության տակ։ Մինչ այժմ նա բուժում է անցնում։
Հիշեցնենք, որ Ալիևը Թուրքիայի պաշտպանության նախարարության ղեկավար Հուլուսի Աքարի հետ ժամանել է Շուշի քաղաքի օկուպացիայի օրը՝ 2021 թվականի նոյեմբերի 8-ին։ Նրանց այնտեղ գտնվելու ընթացքում քաղաքի մոտ սպանվել է արցախցի խաղաղ բնակիչ։
