Ադրբեջանը «Եվրատեսիլ» է ուղարկել քարտեզ, որում Սյունիքն ու Արցախը ներկայացվում են որպես Ադրբեջանի մաս
Մանկական «Եվրատեսիլ»-ը, որն այս տարի անցկացվելու է Ֆրանսիայում, զբաղվում է հակահայկական և ադրբեջանամետ քարոզչությամբ:Այսպես՝ մրցույթի ադրբեջանցի մասնակից Սոնա Ազիզովան մրցույթի կազմակերպիչներին է ուղարկել բացիկ, որի վրա առկա քարտեզում Հայաստանի մարզ Սյունիքը և Արցախը միացված են Ադրբեջանին:
«Եվրատեսիլ»-ի կազմակերպիչները հպարտությամբ այդ բացիկը տեղադրել են իրենց ինսթագրամյան էջում` շնորհակալություն հայտնելով օկուպանտ և ահաբեկիչ Ադրբեջանին:
Ֆրանսիայում լույս տեսնող «Հայաստան» ամսագրի՝ բարձրացրած աղմուկից հետո մանկական «Եվրատեսիլ»-ի էջը Ինսթագրամից հեռացրել է այդ հրապարակումը:
Այսպիսով՝ մինչ ՀՀ վարչապետի աթոռը զբաղեցնող Փաշինյանը խոսում է տարածաշրջանում խաղաղության նոր դարաշրջանի մասին, արևելյան մեր թշնամին փորձում է օկուպացնել ՀՀ տարածքները:
