Այս պահի դրությամբ ուժեղ փոթորիկի պատճառով Ստամբուլի օդանավակայաններում թռիչքները դադարեցվել են
Ստամբուլի օդանավակայանները փոթորկի պատճառով դադարեցրել են բոլոր թռիչքները։ Այս մասին Ռիա Նովոստիին հայտնել է Turkish Airlines ավիաընկերության ներկայացուցիչը։«Այս պահի դրությամբ ուժեղ քամու պատճառով դադարեցվել է Ստամբուլից մեկնող չվերթների ուղևորների ռեգիստրացիան։ Ինչ վերաբերում է օդում գտնվող ինքնաթիռներին, այս պահին գնահատվում է այլ օդանավակայաններում նրանց վայրէջքն իրականացնելու հնարավորությունը»,-նշել է ներկայացուցիչը։
Նշենք, որ արդեն երկրորդ օրն է, ինչ Ստամբուլում ուժեղ փոթորիկ է։ Ավելի վաղ հայտնի էր դարձել, որ փոթորկի պատճառով մահացել է 6 մարդ, ևս 46-ը վնասվածքներ է ստացել։
Քաղաքում դադարեցվել են նաև դպրոցների աշխատանքները։ Իշխանությունները նաև հայտնել են, որ այսօր աշխատանքի կարող են չգնալ հաշմանդամները, հղիները։
