Դոնբասում դիպուկահարի կրակոցից 29-ամյա ադրբեջանցի է սպանվել
Նոյեմբերի 27-ին Նովոմիխայլովկայի (Դոնբաս) մոտ դիպուկահարի կրակոցից ծանր վիրավորվել է Ուկրաինայի զինված ուժերի զինծառայող՝ 29-ամյա Ալի Ալխասլին։Ադրբեջանական Oxu.az-ի հաղորդմամբ՝ չնայած բժիշկների ջանքերին, նրա կյանքը փրկել չի հաջողվել։
«Ուկրաինայի անհայտ կորած և զոհված պաշտպանների ընտանիքների համաուկրաինական ասոցիացիա» ՀԿ-ի ղեկավար Մարինա Պոլյակովայի խոսքով՝ մահացած զինծառայողի կինը ապրում է Խարկովում, իսկ մայրը՝ Ադրբեջանում։
Ա.Ալխասլին ուկրաինական բանակի շարքերում սկսել է ծառայել 2018թ., նա պաշտպանել է Ուկրաինան հետման Իվան Մազեպայի անվան 54-րդ առանձին մեքենայացված բրիգադի կազմում։
