4 տոննա պայթուցիկ նյութեր.«Սուրմալու»-ի վարձակալները․ ովքեր են հրագործական ապրանքների պահեստ ունեցել. hetq.am          Երևանի մարդաշատ վայրերում ռումբի մասին ահազանգերը մոլորեցրել են ոստիկանությանը, ԱԱԾ-ին,դիմել են արտերկրի գործընկերներին. «Ժողովուրդ»       Ավելի քան 5 մլրդ մարդ կմահանա. ԱՄՆ-ի եւ ՌԴ-ի միջեւ միջուկային պատերազմի դեպքում մոլորակի քամիները ծխի եւ մասնիկների պտտվող ամպեր կբարձրացնեն երկինք    

19 հուն 2022 12:04

Ռուսական զորքերը կարող են ներխուժել Ուկրաինա Բելառուսի տարածքից՝ ռուս-բելառուսական զորավարժությունների ժամանակ

Ռուսական զորքերը կարող է ներխուժել Ուկրաինա հյուսիսային ուղղությունից՝ Բելառուսի տարածքից՝ ռուս-բելառուսական զորավարժությունների ժամանակ։ Նման ենթադրություն է արտահայտել Պետդեպի ներկայացուցիչը ճեպազրույցի ժամանակ, փոխանցում է Korrespondent-ը։

Դիվանագետի խոսքով՝ մանևրումների նախապատրաստման քողի ներքո ռուսական զորքերի Բելառուս ուղարկման մասին տեղեկությունը մտահոգություն է առաջացնում։ «Կարծում եմ, որ բելառուսների համար երկրի մասնակցությունը նման հարձակման կլինի միանգամայն անընդունելի»,-նշել է պաշտոնյան։

Նա ընդգծել է, որ ներկայում Բելառուսում տեղի ունեցող շատ բաներ են անհանգստություն առաջացնում։ Մասնավորապես, խոսքը նոր սահմանադրության նախագծի մասին է, որի որոշ դրույթներ կարող են Ռուսաստանի համար ուղի բացել Բելառուսում միջուկային և ոչ միջուկային սպառազինության տեղակայման համար։

Նման քայլը մարտահրավեր կներկայացնի եվրոպական անվտանգության համար, որը կարող է պատասխան պահանջել։ Սահմանադրական փոփոխությունների նախագիծը կարող է վկայել Բելառուսում ինչպես սովորական, այնպես էլ միջուկային ուժերի տեղակայման ՌԴ պլանների մասին։

Հիշեցնենք, որ երեկ սկսվել էր ռուս զինվորականների տեղափոխումը Բելառուս՝ փետրվարի 10-20-ը կայանալիք «Դաշնակցային վճռականություն-2022» զորավարժություններին մասնակցելու համար։

Մեկնաբանություններ


Համընկնող լուրեր