Մենք ցանկանում ենք կարգավորել հարաբերությունները Հայաստանի հետ և շրջել թշնամության էջը          Երկար անկումից հետո դոլարն ու եվրոն թանկացան       Որևէ ծնողին մեկը մոտենա, բոլորիս հետ է գործ ունենալու,եթե 1 ժամից Գարիկ Գալեյանն ազատ չարձակվի, ապա բոլոր ծնողներով ներս են մտնելու շենք    

21 հուն 2022 18:04

Կիևում իշխանությունները սկսել են բրոշուրներ բաժանել, բնակիչներին տրվել են տասնյակ հուշումներ՝ ռազմական գործողություններ սկսելու դեպքում

Ուկրաինայի մշակույթի և տեղեկատվական քաղաքականության նախարարությունը սկսել է Կիևում գործող ձեռնարկություններին բրոշուր բաժանել՝ նախատեսված ռազմական գործողությունների բռնկման դեպքի համար, հայտնում է Vesti.ua-ն։

«Մշակույթի և տեղեկատվական քաղաքականության նախարարությունը հրահանգներ է ուղարկում Կիևի ձեռնարկություններին, թե ինչպես վարվել արտակարգ իրավիճակի և պատերազմի դեպքում»,–գրում է թերթը։

14 էջանոց փաստաթղթում ասվում է, որ Ուկրաինայի Զինված ուժերն ի վիճակի են «պաշտպանել Ուկրաինայի ժողովրդին» և «արդյունավետորեն զսպել ագրեսորին»։

Միևնույն ժամանակ, խաղաղ բնակիչներին տրվել են տասնյակ հուշումներ՝ ռազմական գործողություններ սկսելու դեպքում։

Մասնավորապես, ուկրաինացիներին առաջարկվում է նախապես պատրաստել իրենց տները հնարավոր ռազմական հակամարտության համար։ Այսպիսով, ժողովածուի հեղինակները խորհուրդ են տալիս նախօրոք պարզել մոտակա ապաստարանի գտնվելու վայրը, ստեղծել ջրի և դեղորայքի պաշարներ, պատրաստել տարհանման համար իրեր, փաստաթղթեր և անձնական մեքենաներ, ինչպես նաև դիտարկել լույսի և ջերմության հնարավոր այլընտրանքային աղբյուրները: 

Վերջերս Արևմուտքում և Ուկրաինայում ավելի ու ավելի շատ հայտարարություններ են հնչում Ռուսաստանի՝ իբր ուկրաինական տարածք հնարավոր «ներխուժման» մասին։ ՌԴ նախագահի մամուլի քարտուղար Դմիտրի Պեսկովը նման տեղեկությունները դատարկ և անհիմն լարվածության սրացում է անվանել՝ ընդգծելով, որ Ռուսաստանը ոչ մեկի համար վտանգ չի ներկայացնում։ Միաժամանակ նա չի բացառել նման հայտարարություններն արդարացնելու համար սադրանքների հնարավորությունը, և զգուշացրել է, որ Ուկրաինայի հարավ-արևելքում խնդիրը ուժային ճանապարհով լուծելու փորձերը կունենան ամենալուրջ հետևանքները։

Մեկնաբանություններ

Համընկնող լուրեր