Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

02 փետ 2022 14:03

Նոր փոփոխություններ՝ այսուհետ պարտադիր դիահերձում չի իրականացվի, դա կլինի միայն հարազատների ցանկությամբ

Հայաստանում այլևս անհարկի դիահերձումներ չեն իրականացվի։ ԱԺ առողջապահության հարցերի մշտական հանձնաժողովի նիստում այսօր հավանության արժանացավ օրենքի փոփոխության նախագիծը։
Նշենք, որ դիահերձումների թիվը ՀՀ-ում կտրուկ աճել է` 36 տոկոսից հասնելով 90 տոկոսի, այն դեպքում երբ եվրոպական երկրներում դիահերձումների միջին ցուցանիշը 26,5 տոկոս է։
«Երբ հիվանդը մահացել է հիվադանոցում, առկա է ճշտված, եզրափակիչ կլինիկական ախտորոշում, պարտադիր դիահերձում չի իրականացվի, դա կլինի միայն հարազատների ցանկությամբ»,-ասաց առողջապահության և սոցիալական հարցերի մշտական հանձնաժողովի նախագահ Նարեկ Զեյնալյանը։
Նախագծով առաջարկվում է ախտաբանաանատոմիական դիահերձումներն իրականացնել միայն բժշկական հաստատություններին կից ախտաբանաանատոմիական ստորաբաժանումներում։
Գործող օրենքով դիահերձումը կատարվում է նաև առանձին կազմակերպություններում, որոնք ունեն համապատասխան լիցենզիա։
Հայաստանում կա 8 նման կազմակերպություն, որոնք կից չեն բշկական հաստատություններին, բայց իրականացնում են դիահերձման ծառայություն։ Ըստ նոր փոփոխությունների՝ նրանց գործունեությունը ախտաբանաանատոմիական դիահերձում իրականացնելու մասով կսամանափակվի։ Կազմակերպությունները հնարավորություն ունեն ընդգրկվելու որևէ հիվանդանոցի կազմում և շարունակելու իրենց գործունեությունը։ Հիվանդանոցն էլ պատասխանատու է նրանց մատուցած ծառայությունների որակի վերահսկողության մասով։

«Նրանք չունեն հյուսվածքաբանական լաբորատորիաներ, այսինքն` չեն կարող բացահայտել մահվան պատճառը, համեմատել կլինիկական ախտորոշման հետ, ուստի 6 ամիս անց նրանց լիցենզիան կկասեցվի»,-ասաց Զեյնալյանը
Նրա խոսքով՝ դա է պատճառը, որ այսօր Հայաստանում մահվան վերլուծությունների ճիշտ վիճակագրություն չկա, հետևաբար առողջապահության նախարարությունը նաև թիրախային ֆինանսավորում չի կարողանում իրականացնել՝ ելնելով ստեղծված իրավիճակից։
Զեյնալյանը հույս ունի, որ նոր նախագծով ամեն ինչ իր տեղը կընկնի։

Մեկնաբանություններ


Համընկնող լուրեր