Ռուսաստանին չի կարելի հաղթել ռազմական ճանապարհով.Աշխարհում ոչ մի պետություն չունի այնպիսի զենք, որ ունի Ռուսաստանը
Ռուսաստանը երբեք չի հարձակվի Ուկրաինայի վրա, Արեւմուտքն է ներքաշում, սակայն Ռուսաստանն ամեն դեպքում պատրաստության վիճակի է բերել Զինված ուժերը եւ միջուկային զենքը։ Այս մասին NEWS.am-ի թղթակցի հետ զրույցում ասաց Հայաստանի Զինված ուժերի գլխավոր շտաբի նախկին պետ, գեներալ-լեյտենանտ Նորատ Տեր-Գրիգորյանցը։Նա հիշեցրեց, որ Ռուսաստանը ՆԱՏՕ-ից պահանջել է դադարեցնել իր ուղղությամբ տեղաշարժը։ Նա վստահություն հայտնեց, որ Ռուսաստանին չի կարելի հաղթել ռազմական ճանապարհով։
«Պատմությունը վկայում է հենց դրա մասին։ Աշխարհում ոչ մի պետություն չունի այնպիսի զենք, որ ունի Ռուսաստանը։ Ռուսաստանը կարող է քայքայվել միայն ազգամիջյան երեւույթների ճանապարհով։ Դրանով ակտիվ զբաղվում են, այդ թվում՝ Թուրքիայում եւ Ադրբեջանում»,- նշեց Տեր-Գրիգորյանցը։
