Մարիա Զախարովայի պատասխանը ՌԴ-ում ԱՄՆ դեսպանատանը, որը նախազգուշացրել էր իր քաղաքացիներին «ահաբեկչության» մասին
ՌԴ-ում ԱՄՆ դեսպանատունը նախազգուշացրել է իր քաղաքացիներին ենթադրյալ ահաբեկչությունների մասին։Դիվանագիտական առաքելության տվյալներով՝ տեղեկություններ կան առևտրի կենտրոնների, երկաթուղային և մետրոյի կայարանների, ինչպես նաև մեծ քաղաքների, այդ թվում՝ Մոսկվայի և Սանկտ Պետերբուրգի այլ մարդաշատ վայրերի վրա հարձակումների սպառնալիքների մասին, նաև՝ Ուկրաինայի հետ Ռուսաստանի սահմանին բարձր լարվածության շրջաններում: Թե կոնկրետ ումից է սպառնալիքը, պարզ չէ։
ՌԴ ԱԳՆ-ն արձագանքել է ԱՄՆ դեսպանատան՝ սպասվող ահաբեկչությունների մասին հաղորդագրությանը։
«Հարց՝ Մոսկվայում ԱՄՆ դեսպանատանը. գործընկերային ուղիներով փոխանցե՞լ եք համապատասխան տվյալները ձեր ռուս գործընկերներին, եթե` ոչ, ապա ինչպե՞ս կարելի է դա հասկանալ»,- գրել է Մարիա Զախարովան Telegram-ում։
