Կիևի շուրջ իրավիճակն այսօր շատ լարված է, կոչ են արել մնալ ապաստարաններում
Ուկրաինայի մայրաքաղաք Կիևում օդային տագնապ է հայտարարվել․ տեղեկացրել է ուկրաինական «Ուկրինֆորմ»-ը։Կիևի բնակիչներին հորդորել են շտապ տեղափոխվել ապաստարաններ։
«Կիևի շուրջ իրավիճակն այսօր շատ լարված է, մենք անում ենք բոլոր անհրաժեշտ գործողություները պաշտպանության համար: Այն մեր երկրի սիրտն է , մշակույթի, պատմության, պետականության կենտրոնը: Մինչ օրս մայրաքաղաքի մուտքերը հաստատակամորեն պաշտպանում են Ուկրաինայի զինված ուժերի ստորաբաժանումները»,-ասել է Կիևի ռազմական վարչակազմի ղեկավար Նիկոլայ Ժիրնովը:
Նա տեղեկացրել է, որ ենթակառուցվածքների հետ կապված նախապատրաստական ծավալուն աշխատանք է տարվել ՝ ճանապարհների արգելապատնեշներ, հենակետեր, օբյեկտների ականապատում:
