Ուկրաինան կհաղթի.պատժամիջոցները երկարաժամկետ հեռանկարում կզսպեն Պուտինին հետագա ագրեսիայից
Ֆրանսիայի արտաքին գործերի նախարար Ժան-Իվ Լը Դրիանը հայտարարել է, որ հավատում է Ռուսաստանի հետ պատերազմում Ուկրաինայի հաղթանակին։ Այս մասին նա ասել է France 5 հեռուստաալիքի եթերում։«Կարծում եմ, որ Ուկրաինան կհաղթի։ Արդեն 10 օր է, ինչ ամենատպավորիչն Ուկրաինայի դիմադրությունն է այնպիսի մասշտաբով, որը փորձագետները չէին կարող պատկերացնել»,- ասել է Լը Դրիանը։
Նախարարը նշել է, որ պատերազմի արժեքը Ռուսաստանի համար կդառնա անտանելի։
«Նախագահ Պուտինն ինչ-որ պահի կկանգնի ընտրության առջև՝ կա՛մ էական հետևանքներ Ռուսաստանի գործունեության վրա, կա՛մ բանակցություններ»,- հավելել է նա։
Լը Դրիանը վստահություն է հայտնել, որ Ռուսաստանի Դաշնության դեմ արևմտյան պատժամիջոցները երկարաժամկետ հեռանկարում կզսպեն Պուտինին հետագա ագրեսիայից։
