Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը          Ամբողջ աշխարհի աչքի առջև ՀՀ-ն վերածվում է ծայրահեղ վտանգավոր ծրագրերի իրականացման գործիքի.Թե ինչու է Երեւանը ձեւացնում, թե չի հասկանում, թե ինչի մասին է խոսքը, մեծ հարց է       Եվ ահա նոր սպառնալիք.Հրավիրում ենք իրավապահների ուշադրությունը.«Զանգի, ասա` ռnւմբ կա «Դալմա մոլ»-ում»    

11 մար 2022 16:00

Գործ ունենք հայ-թուրքական խիստ գաղտնի, քողարկված գործընթացների հետ.չգիտեմ, թե վերջում մեզ ինչ արդյունքի, ինչ փաստի առաջ են կանգնեցնելու

Հայ-թուրքական երկխոսություն չկա. այն Թուրքիայի օրակարգն է՝ բացառապես և ամբողջապես, և ՀՀ-ն՝ ի դեմս այսօրվա իշխանությունների, հլու հնազանդ առաջ է տանում և կյանքի է կոչում այս օրակարգը: Այս մասին «Ժողովուրդ» օրաթերթին տված հարցազրույցում ասել է ՀՀ ԱԺ «Պատիվ ունեմ» խմբակցության ղեկավար, «Հայրենիք» կուսակցության առաջնորդ Արթուր Վանեցյանը՝ վստահություն հայտնելով, որ մեր շահերը որևէ կերպ ներկայացված ու պաշտպանված չեն այս գործընթացում: 

Վանեցյանի պնդմամբ՝ մյուս կարևոր խնդիրն այն է, որ չնայած այս իշխանությունները փորձում են գործընթացը բաց ու թափանցիկ ներկայացնել, բայց իրականում մենք գործ ունենք խիստ գաղտնի, քողարկված պրոցեսների հետ․ «Ինչի՞ շուրջ են «բանակցում» Փաշինյանն ու Էրդողանը՝ անհայտ է: Ցավոք, այս իշխանությունները մեր հասարակության թիկունքում գաղտնի պայմանավորվածությունների գնալու հարուստ փորձ ունեն և ես չգիտեմ, թե վերջում մեզ ինչ արդյունքի, ինչ փաստի առաջ են կանգնեցնելու», - ասել է Արթուր Վանեցյանը:

Վերջինս կարևորել է նաև այն հանգամանքը, թե ի վերջո այսօր հայ-թուրքական գործընթացն առանց միջնորդների է, թե՞ այստեղ կա միջնորդ կամ միջնորդներ․ «Սա շատ կարևոր է հատկապես այսօր ընթացող աշխարհաքաղաքական զարգացումների համատեքստում», - շեշտել է Վանեցյանը:
Մենք անկախություն ու պետականություն կորցնելու լուրջ վտանգի առաջ ենք հիմա կանգնած։
«Այսօր հիմնական գործիքակազմում նաև պատգամավորի մանդատն է և խորհրդարանը, վաղը այս գործիքակազմի առաջնահերթությունները կարող են փոխվել։ Ես հասկանում եմ, որ հանրության մի ստվար զանգված դժգոհ է ընդդիմությունից, մեր որոշ հայրենակիցներ ավելի վճռական քայլերի են սպասում, բայց ես ուզում եմ նաև, որ մենք օբյեկտիվ գնահատենք մեր վիճակն ու այսօր առկա հնարավորությունները։ Մեզ իրենց քվեն տված ՀՀ քաղաքացիները մեզ ընտրել են, որ դուրս քշենք Փաշինյանին ու այս ապաշնորհ թիմին։ Մենք չենք մոռացել մեր առաքելությունը, մենք աշխատում ենք մեր ձեռքին եղած բոլոր միջոցներով», - նշել է Վանեցյանը։
Վերջինիս պնդմամբ՝ մենք հանրության ներսում մեծ երկխոսության կարիք ունենք։

«Ի՞նչ ենք մենք հիմա ուզում՝ որպես հանրություն, որպես ժողովուրդ։ Մենք պիտի հասկանանք ապագայի մեր տեսլականը, ազգովի հասկանանք։ Հետո այդ տեսլականը կյանքի կոչելու մեթոդներն ավելի հեշտ կլինի ընտրել։ Ես իմ և իմ թիմի անունից կարող եմ ասել, որ մենք չենք հանձնվելու և շարունակելու ենք պայքարը», ասել է ընդդիմադիր գործիչը։

Վանեցյանը նշել է, որ այսօր առկա արտագաղթի տեմպը համեմատության մեջ է 90-ականներին արձանագրված ցուցանիշի հետ:

«Հիշում ենք՝ ինչ մարդկային ու մասնագիտական մեծ ռեսուրսների կորուստ ունեցանք այն ժամանակ: Ցավոք, մտավախություն ունեմ, որ մենք այսօր նորից բախվել ենք այդ մարտահրավերին: Ի՞նչ է անում պետությունն այս ուղղությամբ՝ ոչինչ, ավելի ճիշտ անում է քայլեր՝ խթանող արտագաղթի ծավալները։ Ես ավելին ասեմ, այսօր մենք ականատես ենք լինում Ռուսաստանից, Ուկրաինայից մեծ թվով մարդկանց Հայաստան տեղափոխվելու գործընթացին՝ պայմանավորված ուկրաինական զարգացումներով: Ես անկեղծորեն չեմ բացառում, որ հետագայում այս իշխանությունները կփորձեն արտագաղթի վիճակագրություն էլ խեղաթյուրել՝ օգտագործելով այսօր Հայաստան տեղափոխվողների թիվը: Ես անգամ սա չեմ բացառում», - ասել է Վանեցյանը:

Մեկնաբանություններ


Համընկնող լուրեր