Զինծառայողի մահվան դեպքի առթիվ քրգործ է հարուցվել ինքնասպանության հասցնելու հոդվածով
Պարտադիր ժամկետային զինծառայող Ալբերտ Սիրոյանի մահվան դեպքի առթիվ քրեական գործ է հարուցվել։ Տեղեկությունը հայտնում է ՀՀ քննչական կոմիտեի մամուլի ծառայությունը։Ըստ հաղորդագրության` քրգործը հարուցվել է ՀՀ քրեական օրենսգրքի 360.1-րդ հոդվածի 2-րդ մասի 3-րդ կետով` մարտական հերթապահություն կամ մարտական ծառայություն կրելու ընթացքում զինծառայողին անզգուշությամբ ինքնասպանության հասցնելը։
Քննչական և դատավարական այլ գործողություններ են իրականացվում Սիրոյանի մահվան հանգամանքները պարզելու ուղղությամբ:
Նախնական տվյալներով` զինծառայողը հրազենային մահացու վիրավորում է ստացել իրեն ամրակցված «ԱԿ-74» տեսակի ինքնաձիգից կզակի շրջանում արձակած կրակոցից։
Կատարվում է նախաքննություն:
Հիշեցնենք` զինծառայողի մահվան մասին այսօր հայտնել էր ՀՀ պաշտպանության նախարարությունը։ 20-ամյա Ալբերտ Սիրոյանին դին հայտնաբերվել է 2022թ. մարտի 16-ին՝ ժամը 21:10-ի սահմաններում, ՀՀ ՊՆ N զորամասի պահպանության տեղամասի մարտական դիրքում։
