Երկրորդ զինծառայողի դին են հայտնաբերել
Մարտի 17-ին, ժամը 10:30-ի սահմաններում, հանրապետության հարավային ուղղությամբ տեղակայված ՀՀ ՊՆ N զորամասի տարածքում հայտնաբերվել է ժամկետային զինծառայող, շարքային Էդուարդ Ռազմիկի Ռուստամյանի ( ծնվ. 2003 թ.) դին` հրազենային վիրավորումով:ՊՆ տեղեկատվության ու հասարակայնության հետ կապերի վարչության փոխանցմամբ, ընթանում է քննություն` դեպքի հանգամանքները լիարժեք պարզելու նպատակով:
Հիշեցնենք, որ ՊՆ-ն այսօր ավելի վաղ հայտնել էր՝ մարտի 16-ին, ժամը 21:10-ի սահմաններում, հանրապետության հարավ-արևելյան ուղղությամբ տեղակայված մարտական դիրքերից մեկում հայտնաբերվել է ՀՀ ՊՆ N զորամասի ժամկետային զինծառայող, շարքային Ալբերտ Լևոնի Սիրոյանի (ծնվ. 2002թ) դին` ծնոտի շրջանում հրազենային վիրավորմամբ:
