Թուրքիայի հետ Ադրբեջանի սահմանին պատնեշ է դրվել, բայց շուտով «Զանգեզուրի միջանցքը» բացվելու է.Թուրքիայում Ադրբեջանի դեսպան          Կոչ.Զերծ մնալ հայտարարություններից, որոնք կարող են քաջալերել Ադրբեջանի ղեկավարությանն ուժի կիրառման կամ դրա սպառնալիքին դիմելու համար       Երկու արգելքից հետո Փաշինյանին տեղափոխող ինքնաթիռին թույլատրվել է մտնել Թուրքիայի օդային տարածք.Hetq.am    

22 մար 2022 11:40

Հայաստանը նոր սրման շեմին.Լավրովի այս հեռախոսազրույցները բավական տարօրինակ են թվում, որից հետո Ադրբեջանը դադարեցրեց Արցախի գազամատակարարումը

Ռուսաստանի արտգործնախարար Սերգեյ Լավրովը երեկ հեռախոսազրույցներ է ունեցել Հայաստանի և Ադրբեջանի երկու գործընկերների՝ Արարատ Միրզոյանի և Ջեյհուն Բայրամովի հետ։ Ռուսաստանի արտգործնախարարության փոխանցմամբ հեռախոսազրույցների ընթացքում քննարկվել է Ադրբեջանի և Հայաստանի միջև «Խաղաղության պայմանագրի» կնքման հարցը։ Արարատ Միրզոյանը, ըստ ՀՀ ԱԳՆ տարածած հաղորդագրության, Լավրովին ներկայացրել է հայկական կողմի դիրքորոշումը «Խաղաղության պայմանագրի» շուրջ բանակցություններ սկսելու վերաբերյալ։ Ընդ որում Միրզոյանը ներկայացրել է նաև Հայաստան-Ադրբեջան սահմանագոտում և Լեռնային Ղարաբաղում Ադրբեջանի կողմից սադրանքների և հրադադարի ռեժիմի խախտումների հետևանքով ստեղծված իրավիճակը, անդրադարձ է կատարվել Հայաստան-Թուրքիա հարաբերությունների գործընթացին նաև ԵԱՀԿ Մինսկի խմբի համանախագահների հովանու ներքո հակամարտության կարգավորման գործընթացի կարգավորման հարցը։ Իսկ Ադրբեջանի արտգործնախարար Բայրամովի հետ Լավրովը քննարկել է Վլադիմիր Պուտինի և Իլհամ Ալիևի ստորագրած դաշնակցային փոխգործողության մասին հռչակագրի դրույթների կյանքի կոչման հարցը, ժամացույցների ճշտում է տեղի ունեցել «3+3» տարածաշրջանային խորհրդակցական պլատֆորմի հետագա աշխատանքի շուրջ։


Այն, որ ստեղծված աշխարհաքաղաքական պայմաններում Ռուսաստանի արտգործնախարարը ստիպված է լինում մեկ օրում հեռախոսազրույց ունենալ հարավկովկասյան երկու պետությունների արտգործնախարարների հետ, վկայում է, որ իրավիճակը մեր տարածաշրջանում ամենևին էլ հանգիստ չէ, ինչպես կարող է թվալ առաջին հայացքից։ Ըստ էության, Հայաստանն ու Ադրբեջանը գտնվում են սառեցված հակամարտության փուլում, որը ամեն րոպե կարող է վերածվել լայնածավալ դիմակայության, ինչը, նշենք, լրացուցիչ գլխացավանք կարող է հարուցել Ռուսաստանի համար։


Այս առումով տարօրինակ է նաև Հայաստանի իշխանությունների պահվածքը, որոնք շփումներ են ունենում ոչ միայն Ռուսաստանի, այլ նաև այս պահին Ռուսաստանի հետ սառը պատերազմի մեջ գտնվող Ֆրանսիայի, Միացյալ Նահանգների հետ, փորձում են հարցեր լուծել և սեփական օրակարգը առաջ մղել։ Ռուս-ուկրաինական պատերազմում ստեղծված իրավիճակի պայմաններում, երբ Հայաստանը ձեռնպահ է քվեարկում Ռուսաստանի նախաձեռնություններին, Լավրովի այս հեռախոսազրույցները բավական տարօրինակ են թվում և կարող են լուրջ խնդիրներ հարուցել Հայաստանի Հանրապետության համար։ Այդ հեռախոսազրույցներից հետո, արդեն երեկ երեկոյան, Ադրբեջանը դադարեցրեց Արցախի գազամատակարարումը։ 
1or.am

Մեկնաբանություններ


Համընկնող լուրեր