Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

14 ապր 2022 12:55

ՌԴ-ն ԱՄՆ-ին նախազգուշացրել է զերծ մնալ ԱՊՀ-ում հաստատվելու փորձերից, այդ փորձերը ռազմական առումով հղի են լուրջ վտանգներով

ԱՊՀ տարածքում հաստատվելու ԱՄՆ-ի և դաշնակիցների փորձերը ռազմական առումով հղի են լուրջ վտանգներով։ Այս մասին ՌԻԱ Նովոստիին հայտնել է ՌԴ ԱԳՆ-ի ԱՊՀ երկրների առաջին դեպարտամենտի տնօրեն Միխայիլ Եվդոկիմովը։
«Այս միտումն առանձնակի նկատելի էր Աֆղանստանում արմատական այն փոփոխությունների ֆոնին, որոնք էական ազդեցություն ունեն Կենտրոնական Ասիայի տարածաշրջանում իրավիճակի վրա, ինչպես նաև ռազմական առումով ԱՊՀ տարածաշրջանում հաստատվելու, սեփական փորձն ու ստանդարտները փաթաթելու՝ ԱՄՆ-ի և նրա դաշնակիցների կողմից չդադարող փորձերի լույսի ներքո»,– ասել է Եվդոկիմովը։
Ռուս դիվանագետն ընդգծել է, որ Մոսկվայի համար սա անընդունելի է, և ԱՊՀ երկրները ուժեղացնում են արտաքին սահմանների պաշտպանության գծով փոխգործակցությունը։
«Ընթացիկ իրավիճակում հատուկ նշանակություն են ստանում արտաքին սահմանների անվտանգության և պաշտպանության ոլորտում ԱՊՀ շրջանակում ձևավորված միջպետական փոխգործակցության մեխանիզմները։ Հասկանալի պատճառներով, համագործակցության այս ուղղությունը առավել հանրային է, սակայն նրա նշանակությունն անշեղորեն աճում է»,- նշել է Եվդոկիմովը։


Ըստ նրա` ԱՊՀ երկրները զարգացնում են փոխգործակցությունը ռազմական ոլորտում, այդ թվում՝ միացյալ ՀՕՊ համակարգերի և կապի ստեղծման գծով։
«Ռազմական ոլորտում փոխգործակցության մեխանիզմների զարգացումը շարունակվում է. ԱՊՀ ՀՕՊ միացյալ համակարգեր, ԱՊՀ երկրների ԶՈւ կապի միացյալ համակարգեր, պետական ռադիոլոկացիոն տեղորոշման միասնական համակարգեր։ ԱՊՀ երկրների պաշտպանական գերատեսչությունները համատեղ զորավարժություններ, մրցումներ, հավաքներ և հրամանատարաշտաբային մարզումներ են անցկացնում»,- ասել է Եվդոկիմովը։
Միևնույն ժամանակ, նա նշել է, որ Արևմուտքը ձգտում է ԱՊՀ տարածքում խափանել ինտեգրացիոն գործընթացները։


Մեկնաբանություններ


Համընկնող լուրեր