Տեսանյութ.Ինչպես հաղթահարել ներանձնային կոնֆլիկտը և դառնալ սեփական կյանքի տերը          Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը       Ամբողջ աշխարհի աչքի առջև ՀՀ-ն վերածվում է ծայրահեղ վտանգավոր ծրագրերի իրականացման գործիքի.Թե ինչու է Երեւանը ձեւացնում, թե չի հասկանում, թե ինչի մասին է խոսքը, մեծ հարց է    

14 ապր 2022 14:59

Մի պահ պատկերացրեք ՌԴ-ն հետ է քաշում խաղաղապահներին...ՔՊ–ական պատգամավորը կարծում է, որ Ղարաբաղն Ադրբեջանի կազմում ապագա ունի

ՔՊ–ական պատգամավոր Վիգեն Խաչատրյանն ԱԺ–ում լրագրողների հետ ճեպազրույցում ևս մեկ անգամ կրկնեց այսօր ԱԺ նիստում իր աղմկահարույց հայտարարությունը։
«1996-ին Հայոց համազգային շարժման համագումարում ՀՀ առաջին նախագահ Լևոն Տեր-Պետրոսյանը հռչակեց, որ Ադրբեջանի կազմում Ղարաբաղն ապագա չունի։ Ես էլ այսօր իմ ելույթում ասացի` իմ կարծիքով դա սխալ է եղել, քանի որ դա բերել է նրան, ինչ ունենք։ Ուրիշ բան է, որ դա ասվեր ու բերեր նրան, որ Ադրբեջանի կազմից այսօր Ղարաբաղը դուրս եկած լիներ։ Մենք ինչ–որ մի կետում մեզ պետք է հաշիվ տա՞նք` ինչքան պետք է կորցնենք։ Մենք առայժմ կորցնում ենք, ձեռքբերումներ չունենք, և դա տևել է 1988-ից մինչ այսօր»,–ասաց Խաչատրյանը։
Նրա խոսքով` սա փաստում է, որ ինչ–որ բան սխալ ենք հաշվարկում. հողը հայկական է մնում, երբ այնտեղ հայ է ապրում։
Անդրադառնալով վարչապետ Նիկոլ Փաշինյանի` Ազգային ժողովում Արցախի կարգավիճակի նշաձողի իջեցման վերաբերյալ հայտարարությանը` Խաչատրյանը նշեց, որ վարչապետն անկեղծացել է։ Պատգամավորը բացատրեց` բոլոր միջազգային գործընկերները համաձայն չեն, որ Արցախը կարող է Ադրբեջանի կազմից դուրս լինել, և մեզ ասում են` կարող եք միայնակ պայքարել։
«Մենք գիտակցում ենք, որ ինքնուրույն ի վիճակի չենք Ղարաբաղն առանձնացնել Ադրբեջանից։ Հետևաբար մենք միջազգային գործընկերների հետ խոսակցությունը շարունակում ենք հետևյալ կերպ` իսկ անվտանգության ի՞նչ երաշխիքներ եք առաջարկում։ Եթե անվտանգության երաշխիքները կհամոզեն Արցախի ժողովրդին հետ քաշվել իրենց պահանջից, կխոսենք այդ ժամանակ»,–ասաց Խաչատրյանը։
Ըստ նրա` ստացվում է, որ կա՛մ մենք կհամագործակցենք միջազգային կառույցների հետ և կփորձենք հայանպաստ որոշում ստանալ, կա՛մ էլ մենակ կմնանք Թուրքիայի և Ադրբեջանի հետ ու առաջ գոռալով հետ կգնանք։ Խաչատրյանն առաջարկեց մի պահ պատկերացնել, թե Ռուսաստանը հետ է քաշել խաղաղապահներին ու հարց տվեց` այդ դեպքում ո՞վ է գնալու ու պահի Արցախը։


Մեկնաբանություններ


Համընկնող լուրեր