Ուկրաինայում կատարվել են հրեշավոր հանցագործություններ, ՌԴ-ն պետք է պատասխանատվություն կրի
Ֆրանսիայի նախագահ Էմանուել Մակրոնը թվիթերյան իր էջում գրել է, որ հեռախոսով կապ է հաստատել Ուկրաինայի նախագահ Զելենսկու հետ, որպեսզի իր աջակցությունը հայտնի Ուկրաինային։ Մակրոնն ընդգծել է, որ պատերազմի 50 օրերի ընթացքում Ֆրանսիան ուկրաինական բանակին տրամադրել է ավելի քան 100 միլիոն եվրոյի զինտեխնիկա և կշարունակի տրամադրել։
Բացի դրանից, Ֆրանսիան Ուկրաինա է ուղարկում 24 հրշեջ և 50 շտապօգնության մեքենաներ: «Ուկրաինայում կատարվել են հրեշավոր հանցագործություններ:
Իրադարձությունների վայրում մեր փորձագետները ուկրաինական և միջազգային դատական մարմիններին օգնում են հավաքել ապացույցներ և որոշել մեղավորներին:
Ռուսաստանի իշխանությունները պետք է պատասխանատվություն կրեն: Առանց արդարության խաղաղություն չկա»,- հավելել է Մակրոնը:
