Եթե ստացվի, որ Քոչարյանին «մաքրենք ու հերոսացնենք»`ընդդիմության առաջնորդը դառնա, իմացեք` ես հավերժ կմնամ վարչապետի պաշտոնում.«Հրապարակ»
«Հրապարակ» թերթը գրում է.«Երբ 2018-ին Նիկոլ Փաշինյանը նոր էր եկել իշխանության, որոշել էր պատժել բոլոր նախկիններին, մանավանդ՝ նրանց, ովքեր իրեն երբևէ «ցավեցրել» են, առաջին հանձնարարականներից մեկը եղել է Մարտի 1-ի գործը վերաբացելը և Ռ. Քոչարյանի ու Ս. Սարգսյանի մեղավորությունն ապացուցելով` դատելը:
Գործի քննությունը վերսկսվել է, բայց որոշ ժամանակ անց նախաքննություն իրականացնող մարմնի ղեկավարը զեկուցել է վարչապետին, որ Քոչարյանի և Սարգսյանի մեղքը հաստատող ապացույցներ ձեռք բերել գրեթե անհնարին է, և եթե գործը քննեն ու հասցնեն դատարան, ապա այն դատարանում է փլվելու, այսինքն` արդյունքում ստացվելու է, որ «մաքրելու ենք Քոչարյանին» և հերոսացնենք` դարձնելով ընդդիմության առաջնորդը:
Փաշինյանը պատասխանել է` քննեք, տարեք դատարան, իսկ եթե ստացվի, որ Քոչարյանին «մաքրենք ու հերոսացնենք»` դարձնելով ընդդիմության լիդեր, ապա դա ամենալավ նվերը կլինի ինձ, եթե ընդդիմության առաջնորդը Քոչարյանը դառնա, իմացեք` ես հավերժ կմնամ վարչապետի պաշտոնում»։
Մանրամասները թերթի այսօրվա համարում
