Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

23 ապր 2022 12:03

Մեզ սկսել են ուղարկել հենց այն զենքը, որը խնդրել ենք. ինչ զինատեսակների մասին է խոսքը

Ուկրաինայի նախագահ Վլադիմիր Զելենսկին հայտարարել է, որ օտարերկրյա գործընկերները սկսել են երկիր ուղարկել «հենց այն զենքերը, որոնք իրենք խնդրել են»։ Համապատասխան տեսաուղերձը հրապարակվել է նրա թելեգրամյան ալիքում։


«Ես շնորհակալ եմ մեր բոլոր գործընկերներին, որոնք վերջապես լսեցին մեզ: Որոնք մեզ տալիս են հենց այն, ինչ մենք խնդրել ենք»,- ասել է Ուկրաինայի ղեկավարը։


Միաժամանակ Զելենսկին չի հստակեցրել, թե ինչ զինատեսակների մասին է խոսքը։
Միացյալ Նահանգները և նրա դաշնակիցները սկսել են Ուկրաինային մատակարարել համազարկային ռեակտիվ հրթիռային համակարգեր (MLRS): ՏԱՍՍ-ի փոխանցմամբ՝ այդ մասին հայտարարել է ԱՄՆ պետքարտուղարի տեղակալ Վիկտորյա Նուլանդը «Europe Pravda»-ի ուկրաինական պարբերականում ուրբաթ օրը հրապարակված հարցազրույցում։


«Մենք արդեն մատակարարում ենք MLRS համակարգեր: Եվ ոչ միայն մենք ենք սկսել դա անել: Բացի այդ, մենք այժմ աշխատում ենք ՆԱՏՕ-ի այլ դաշնակիցների հետ, որպեսզի Ուկրաինան ավելի շատ ռեակտիվ համակարգեր ստանա»,-ասել է Նուլանդը: Միևնույն ժամանակ նա չի նշել, թե կոնկրետ որ MLRS համակարգերն են Կիև տեղափոխվում ԱՄՆ-ի և նրա դաշնակիցների կողմից:


ԱՄՆ պետքարտուղարի տեղակալը նաև ասել է, որ ՆԱՏՕ-ի մի քանի երկրներ Կիևին մատակարարում են ավիադետալներ, որոնք թույլ են տալիս Ուկրաինայի զինված ուժերին «ավելի շատ ինքնաթիռ բարձրացնել օդ»։ «Եվ դուք այժմ մարտական հերթապահության մեջ ավելի շատ ինքնաթիռ ունեք, քան մեկ շաբաթ առաջ, հենց այն պատճառով, որ պահեստամասեր և այլ բաղադրիչներ եք ստացել դաշնակիցներից: Սա դաշնակիցների օգնության ուղղակի արդյունքն է»,-ասում է նա:


Կանադայի պաշտպանության նախարարությունը մեկ օր առաջ Ուկրաինային է հանձնել ծանր հրետանի և հաուբիցներ, ինչի մասին ավելի վաղ խնդրել է Կիևը։


Ավելի վաղ Ֆրանսիայի նախագահ Էմանուել Մակրոնը խոստացել էր «Կեսար» ինքնագնաց կայանքներ ուղարկել Ուկրաինա։ Ֆրանսիական լրատվամիջոցների փոխանցմամբ՝ մի քանի օրվա ընթացքում կուղարկվեն ծանր հրետանի ու զինամթերք։


Մեկնաբանություններ


Համընկնող լուրեր