Ինչպե՞ս վերացնել այտուցը, որո՞նք են այտուցի վտանգավոր պատճառները          Մոնտաժված ձայնագրության հիման վրա անհնար է սկսել վարույթի հարուցում․ Գագիկ Ջհանգիրյանը կարգապահական պատասխանատվության չի ենթարկվի․ ԲԴԽ       Տեսանյութ.Զավեշտալի է.Հունիսի 3-ի գործով 2 տղամարդ նույն բառերով ցուցմունք են տվել. որոշեցի գտնել սիամական երկվորյակներին    

02 մայիս 2022 15:59

Հեչ չվախենաք, ցուցարարին մեքենա նստեցնելուց հետո սկսում են հարգանքով խոսել, 3 ժամ հետո բաց են թողնում, կարող եք նաև ոստիկան ընկերներ ձեռք բերել

Երևան քաղաքի ոստիկանության բաժիններ այս ժամի դրությամբ բերման են ենթարկվել անհնազանդության ակցիաների 226 մասնակիցներ։ Այս մասին ֆեյսբուքում գրել է Նաիրի Հոխիկյանը.


«Որպես փորձառու բերման ենթարկվող' նշեմ, որ ոչ մի սարսափելի բան չկա այդ երևույթի մեջ։


Դաժան դեմքերով կարմիր բերետավորները ցուցարարին մեքենա նստեցնելուց հետո սկսում են բարեկամաբար ու հարգանքով խոսել։
Իհարկե, կան անուղեղներ, որոնք ոստիկանության ամբողջ ճանապարհին նույն ոչինչ չասող հայացքով են մնում կամ հայհոյում ու սպառնում են, բայց այդպիսի դեպքերը, որպես կանոն, պատվերով են և կոնկրետ անձանց նկատմամբ։


Ոստիկանության շենքում բերման ենթարկվածը կարող է լռել մինչև իր փաստաբանի գալը։ Այդ ընթացքում ոստիկանները որոշ թղթեր են լրացնում։ Կարևոր է, որ մինչև փաստաբանի գալը, բերման ենթարկվածը ոչ մի թղթի տակ չստորագրի։


Ոստիկանության շենքում բերման ենթարկվածը ունի առնվազն մեկ զանգի իրավունք։


Հետո կազմվում են արձանագրություններ բերման ենթարկվածի, նրա փաստաբանի և հետաքննիչի մասնակցությամբ։


Բերման ենթարկվածը իրավունք ունի ընդհանրապես չստորագրել, կարող է գրավոր բացատրություն տալ կամ չտալ։
Այդ ընթացքում գալիս են ՄԻՊ ներկայացուցիչները' ճշտելու, թե ինչպես են իրենց պահել ոստիկանները։ Պետք է պատմել ամեն ինչ ' վատը և լավը։


Ոչ մի ոստիկան չի կարող հարվածել կամ սպառնալ։ Եթե նման բան լինի, ապա դա շատ ծանր կանդրադառնա նրա հետագա կյանքի վրա։ Եվ դա ամենևին կախված չէ քաղաքական իշխանության ոճից։


Հնարավոր է, ստուգվի բերման ենթարկվածի գրպանների պարունակությունը։ Դա պետք է լինի փաստաբանի ներկայությամբ։ Եթե չկա արգելված իր և եթե չկա բերման ենթարկվածի նկատմամբ իջեցված պատվեր,
ոստիկանները շնորհակալություն են հայտնում և վերադարձնում իրերը։


Այդ ամբողջ գործընթացը տեւում է առավելագույնը 3 ժամ, որի լրանալուց հետո ոստիկանությունը բաց է թողնում բերման ենթարկվածին։


Ընդամենը այսքանը։ Այնպես որ, առանց վախի փակեք փողոցներ, դասադուլ արեք, մասնակցեք հանրահավաքների։ Երեք ժամ ոստիկանությունում անցկացնելիս կարող եք նաև ոստիկան ընկերներ ձեռք բերել։ Հավատացեք, ոստիկանների մեջ էլ շատ կան լավ մարդիկ»։


Մեկնաբանություններ


Համընկնող լուրեր