Սադրանք Ռուսաստանի դեմ.Չի բացառվում, որ ՌԴ-ում և ռուսական ԶԼՄ-ներում առաջիկայում լուրջ արշավ սկսվի          Որքան հասկացանք՝ այսպես թե այնպես, պատերազմ է գալիս… Պետք է պատրաստվել. Րաֆֆի Հովհաննիսյանը՝ Փաշինյանի ասուլիսի մասին       Սինանեանը և Աննա Յակոբեանը մերժուեցին Նիսում    

06 մայիս 2022 15:03

Խոսքը ոչ թե Ադրբեջանի հետ պայմանավորվածություններին ընդդիմության վերաբերմունքի, այլ երկրի ղեկավարության հայտարարությունների ընկալման մասին է. ՌԴ ԱԳՆ-ն՝ ՀՀ-ում բողոքի ակցիաների մասին

Եթե խոսում ենք Հայաստանում վիճելի հարցերի` Ադրբեջանի հետ հարաբերությունների կարգավորման վրա ազդեցության մասին, ապա խոսքը ոչ թե պայմանավորվածություններին ընդդիմության վերաբերմունքի, այլ երկրի ղեկավարության հայտարարությունների ընկալման մասին է: Այդ մասին ճեպազրույցում ասել է ՌԴ ԱԳՆ տեղեկատվության և մամուլի դեպարտամենտի փոխտնօրեն Ալեքսեյ Զայցևը։


Նրա խոսքով, Մոսկվան շահագրգռված է Հայաստանի կայունությամբ և խաղաղ զարգացմամբ, գրում է news.ru-ն։


«Երկրի ներքաղաքական կյանքի բոլոր հարցերը պետք է լուծվեն բացառապես իրավական և սահմանադրական դաշտում՝ համապատասխան ժողովրդավարական ընթացակարգերի շրջանակում։ Ինչ վերաբերում է հայ-ադրբեջանական երկխոսության վրա այս գործընթացների ազդեցության հնարավորությանը, խոսքը ոչ թե պայմանավորվածություններին ընդդիմության վերաբերմունքի, այլ Հայաստանի ղեկավարության կողմից որոշակի հայտարարությունների ընկալման մասին է», - ասել է Զայցևը:


Նա ընդգծել է, որ Ռուսաստանն ակտիվորեն նպաստում է Հայաստանի և Ադրբեջանի միջև հարաբերությունների կարգավորմանը՝ առաջին հերթին 2020 թվականի նոյեմբերի 9-ի, ինչպես նաև 2021 թվականի հունվարի 11-ի և նոյեմբերի 26-ի եռակողմ հայտարարությունների բոլոր դրույթների կատարման միջոցով։ Բացի այդ, Մոսկվան աջակցում է կողմերին խաղաղության համաձայնագրի կնքմանն ուղղված ջանքերում։

Մեկնաբանություններ


Համընկնող լուրեր